[هايل الهيلا]

البارحه والناس في نومها هجاع
وانا بتالي اليل تكي على الكوع
سهران ماني ساهر(ن) من توجاع
ولاني يتيم(ن) يشتكي قوت الجوع
انا دهاني حض(ن) اقشر ومطواع
مع الزمن يمشي مدلع ودلوع
وليا نهيته قال ممنيب منصاع
ماتدري اني للمواصيل قاطوع
الخير مامن خير ولشر تباع
ودي ابيعه لاكن البيع ممنوع
ويامل قلب(ن) بالهوا ضاع ثم ضاع
ويامل عينن هلت الدمع ينبوع
على وليفن بالحلا لخبط اوضاع
وفوق الحلا دايم مزحن ودلوع
اغليه واللي خالق افجوجن اوساع
ومن غيبته كني من الداب ملسوع
مايدري ان القلب وعيوني اجياع
على كلامه وشوفته تال الاسبوع
في ليلت(ن) ماسهره اي خداع
مغير انا وياه والعالم هجوع
في غرفتن ومصممه لتمتاع
وفيها سريرن حط ولثنين مصنوع
وعليه من الديباج لروس ميضاع
وعليه لحافن ناعم الصوف مجدوع



الى اخر القصيده





وتقبلو تحياتي
هايل الهيلا

آخر تعديل هايل الهيلا يوم 31-Dec-2007 في 02:11 PM.