في مدح شيخ ٍ من شيـوخ ٍ مسمـاه = بـدر ولـد نايـف رفيـع المقـامــي
تسمو بيوت الشـعر ويطـيب معنــاه =ويصير للشعر الفصيح احترامـي
واما مدحـت اللي نهـج منـهـج ابــاه = لاخير في شعري وكثر اهتمامي
بـدر بـدر بـدر السـعد طـيـب الـجــاه =المدح في شرواه يبني سنامـي
الـضـيـط والـلـه مـا تـعـدد مــزايــاه = نخوه وطيب ٍ شـاع بيـن الانـامي
والمرجله مــا طـاعت إلا للــشرواه =كنه يقـود الـمرجلـه بالـخطـامـي
من طيب راسه تكسب الطيب يمناه=ومن طيب ساسه ما يجيه الملامي
هـداج تـيـما يــوم وقـتـه عـرفـنــاه=عد ٍ يبشر بالـروى كــل ظـــامــي
والـيــوم هــداج المسمى لقـيـنـاه=بدر زبون الطيب نـسـل الكـرامــي
تفخر عـتـيـبه كــل مـاحل طـريـاه =وتشوش لسمه بين كل الاسامي
واللـي لـياحـده زمـانــه تـنـاصــاه =يلقا أبـلـج ٍ بالفـعـل قــدالـكـلامـي
وقفات بـدر الضيط من طيب مجناه=من روس قوم ٍ يكسبون الجهامي
عـضيان يـوم الـوقت تـدرج رحـايـاه= يحمون غيبة جارهـم مايظــامــي
كم جندلو من شيخ وخذو رعـايــاه = وخلوه فالماقف كسير العظامـي
ميقاف اهل عمهوج محد ٍ تناســاه= لاكبرت الهـيـجـاء وثـار العـسامـي
حمايه البل فأول الوقــت وأتــــلاه= بالسيف والا بالـفشق والـحزامـي
وردو حياض الموت مابـه مـــراواه = لـيننـهـا صــارت عـلـى مـايـرامـي
ومجهودك اللي صار يابدر شفنــاه=فالملتقى يابن الرجال الحشامــي
وفيت ماقـصــرت والطـيب لـــولاه =مابانو اهل الطيب وقـت الزحامـي
لـعـل بـيـت ٍ مــاتـــذري ذرايـــــاه = يجيه مع سود اللــيال الـهــدامــي
وحنا قبيله نوصل العـلـم لقصــاه=هـــيـــلاً تهــايل والـنـظـر للأمـامـي
اسمن يشرفنا البطل يوم سمـاه=عبدالعزيز اللي لـه الحـكــم دامــي
اسيوفنا من ضرب الأعدى محناه= في ماقف ٍماهـوب بـرد وسلامــي
لاجاء نهـــار ٍ مـاتعـدد ضـحــايــاه = ميقافنا واحـد مـا فيـه انقسـامـي
برقا وروق ودرب الأخطار دسناه=عوق الخصيم اللي بخشمه عرامي
الرجــل مـنـا مـايخـلي حـميــاه = مـيـراث جـدان وخـوال وعـمـامــي
وباق القبائل نعم محد ٍ جحدنـاه=كــل ٍ بـطيبـه يستحـق الـوسـامــي
والله ما يجحد هل الطيـب والله = كـود الـردي اللي يسمـى خمامي
واليوم في حكم ٍ علينا رضينـاه =في ظـل حـكــام ٍمشـو بالـنظامـي
وتقبلو ما قاله مـعيض جهجــاه = والـمعـذره لـن كـان قصر كــلامـي
صح لسان معيض وبن معيض
قصيده طيبه والضيط يستاهل شيخ ولدشيخ