هذه محاوره بين الشاعرين غزاي بن صميهيد
ومحمد ابن مشيط المري
محمد بن مشيط
سلام ياهل العز ووالناموس في كل الامور----------- ياعزوة عتيبه ووقفات الرجال افعالها
ياشاعر العضيان تذكر لي على مر الشهور------------- ياهل نبشر ربعك عتيبه بببعض عيالها
غزاي العضياني
يامرحبا ترحيبة تسكن مغاليق الصدور--------------- اقولها عن عزوة ماينشرب فنجالها
ابشر وبشر ربعك المره وحضرات الحضور------------ وابوظبي ماني مكلف يوم اعد رجالها
محمد بن مشيط
الناس في بعض الدعاوي ماتلف ولاتدور--------------- وتال الليالي في حديث الناس زين اقوالها
ابو ظبي فيها الرجال اللي تراها ماتبور--------------- خمسه وسته واربعه عمال من عمّالها
غزاي العضياني
العبد يلقى خير لوانه على النعمه شكور ----------------- وفرق الدعاوي لو تميز دقها وجلالها
لوان معك صكوك للدعوى تراك انت معذور ---------------- لكن يابن مشيط طق السالفه وابرالها
محمد ابن مشيط
ياصاحبي غزاي من يبن الخيام مع القصور ------------------- شد النظر يم القصور اللي يظل ظلالها
هذا كلام حق لكن صير فالدنيا صبور ----------------------- واليا وجدت الطيبه بين الرجال اشتالها
غزاي العضياني
تقولها واسمعك مير الفعل واضح ومخبور ------------------- والله يبارك في عوارض لحيتك وسبالها
فالمتحف الشرقي هياكل من عظام الدينصور ----------------- والا الطيور الحايمه مالد يم ازوالهاا
محمد ابن مشيط
ماني مفتش يالعتيبي ماتضيق ابه القبور ----------------------- لو حيلتي من دون حالي للعرب واحتالها