[الذيب]

الله علي اللي من حفيزه شريناه ** خواجته صب البدي والغماره
حس المكينه لا اشتغل ما سمعناه ** ولا يعرف التفتفه ولا الحراره
شاص جديد ينعش القلب ممشاه ** وسوق الدراهم في بديله خساره
الشاص موتر البدو والبدو تهواه ** ولا يحب الحضر وأهل الحضاره
الشاص يبغي اللي بعيد معشاه ** ويشب ناره في راس الزباره
فوقه شجاع تخصل الطيب يمناه ** وسواقته للجيب فن ومهاره
يبرا لذود ترتع وسط مغلاه ** جو خلا والعشب يحيي خضاره
واللي يذم الشاص لعله فداه ** ماجربه في رمل ولا قراره
عبدالعزيز ال داوود . الخرج