[مستشار القبيلة]

سلام الله على نسل الحرار اهل الكرم والجود =شيوخن فعلهم في حاضر الدنيا وماضيها
سلام الله على الي فالمواقف يكسبون الزود=تعلا صيتهم يوم العرب تعرف بااساميها
سلام الله على جمع القبيله والعضود عضود = ذعار وخالد الي دارهم عزوا مبانيها
جمعنا الله على عز وكرامه والطريق سنود=مقابلكم شرف والطيبه من حض راعيها
تجمل ياقصيدي يوم جالك بارقن ورعود =اباكل الديار من المزون يسيل واديها
اوردها على عد الروى يوم الحيام ورود =واصدرها وانا من صافي الغبات مرويها
مسندها على قومن لهم فالطايلات وجود=ولوني ذكرت فعولهم ماني بمحصيها
هل الدرمه لهم بين القبايل ماقفن مشهود=حموا حجاج بيت الله من الفتنه وموشيها
ولضيا جالها فعلن ينومس والرجال شهود= بكف الفارس الي كل ماتهوي يحنيها
ولا انسا راعي الحرشا نوار الي يفك الذود =ذبح شيخ الغزاه ولحق اولها بتاليها
وعبد الله ذرى وحجاب للخايف وللمضهود =يداوي عين من جور الزمان وعين يعميها
اله صيحه ليا دار الزمان وطق عودن عود=تروع الخيل منها فالمعارك يوم توحيها
تشوقنا فعايلهم نهار الملح والبارود =على قول المثل والنار تحرق من يصاليها
رجالن يحكي التاريخ عنهم سيفهم مجرود=ذقن وذقان وام عنان تدري عن مغازيها
رجالن فالديار شيوخ قم وفالبلاد حيود =نجومن فالسما منزالها ما اطيب مباديها
لهم في ماضي الدنيا مواثيق مضت وعهود=شجرتن من يدور للذرى يزبن مذاريها
عسى ربي يعديهم صواديف اليال السود =ويبقي للديار شيوخها ويعز حاميها

انعم واكرم بالعقايله و بالاد عاصم قول وفعل

مشكور اخوي والله يعطيك العافيه

و القصيده ما ظهرت عندي قمت بتنسيقها من الاقتباس