[فيلسوف الصحراء]

آخر المستجدات هذه القصيدة المتواضعة ان شاء الله تنال شيء من رضاكم


[poet font="Simplified Arabic,4,black,normal,normal" bkcolor="white" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
المشاكل كثيرة لوّ أبا أعدها = ماتعدد ويصعب حصرها في سطور
لكن أقوى المصايب حيل وأشدها=الفراق الذي بين الأحبة يدور
يوم تقفي ودمعتها على خدها=وأنت تقفي من الموقف بنفس الشعور!!
لو تبي تكتم العبرات وتردها=مايطاوعك قلبك لو قلبك صبور
ودك تمد يدك وتعجز تمدها = تذبل عظامك أقوى من ذبول الزهور
مشكلة كيف تنحل لا رحم جدها=مايحلونها حتى وساع الصدور
مالها حل , غير إحفظ لها سدها = وقل لها تحفظ أسرارك وربك غفور
إنتبه يا حذارا من لوي يدّها = الرياجيل ماتــنـزل لبعض الأمور
تعرف البعد لا ودك ولا ودها =كل واحد من الإثنين دمه يفور
صلّح الحل هذا يمكن يسدها= يمكن إنك بعد هذا تصير معذور
وكل ناسٍ مفاكرها على قدها=والله الظاهر إني ماعليّـــه قصور
[/poet]

فيلسوف الصحراء |4|