أخواني أعضاء هذا الصرح الشامخ والقائمين عليه
بعد التحيه
يسعدني أن يكون من أول مواضيعي في منتداكم الرائع
هذه المساجله الشعريه
بين كل من
الشاعر المبدع/محمد مدان الورده الشراري
والشاعر المبدع/نايف بن عرويل العتيبي
والأن أترككم مع هذه الروائع لشعرائنا المبدعين بحق
صوت
لي صاحب يسعـد صباحـه وممسـاه=غالـي ولـه عنـدي مكانـه كبيـره
الله يحفظـه كـل مـاحـل طـريـاه=إمـن العيـون الحاسـده والشريـره
رجل كريـم مـن الرجـال المسمـاه=اللي لهـم بالمجـد صفحـه وسيـره
مـن لابـة يـا صعبهـا بالمـلاقـاه=تشهد لهم حدب السيـوف الشطيـره
شرابة الدم ويل مـن جيشهـم جـاه=مثـل البحـور الهايجـات الخطيـره
عـدوهـم أنشـهـد أن الله أشـقـاه=إليـا شهـق خطـر يكمـل زفـيـره
الطيـب فيهـم رب الأربـاب سـواه=أرداهـم اللـي يفتخـر بـه قصيـره
جماعة تبحـث عـن الصعـب ترقـاه=ماتلفـت لعقـول نــاس صغـيـره
أهل البيوت اللي علـى العـز مبنـاه=وأهـل الوجـوه الخيـرات السفيـره
وأهل الدلال اللي علـي النـار مركـاه=وأهل الكرم والجـود وأهـل الذخيـره
كبيرهـم مثـل الجبـل فـي حلايـاه=وعيالهـم مثـل النجـوم الشهـيـره
ياراكب مـن فـوق حمـرا مضـراه=نشدهـا يــوم الحـرايـب كثـيـره
من جيش إبن ورده نجيبـه وبحمـاه=نلحق عليها الخيل لـو طـال سيـره
مرتاعهـا يمنـى المتاهـه ويسـراه=في ديـرة تسـوى لهـا ألـف ديـره
مـا حملوهـا بالبضـايـع مــداراه=ولا ساقـهـا ملاكـهـا للحضـيـره
لـولا السوالـف وسمنـا ماوسمنـاه=معروفـة قبـل النـبـي نستنـيـره
إن شافها راعـي الولـع الله أغـواه=من حسنهـا نطلـق عليهـا الأميـره
تلفي علـى اللـي مـا يغثـك محيـاه=أن مـا لقيتـه نـاب عنـه وزيـره
حبه خشـم لا جـت يمينـك بيمنـاه=بلـغ سلامـي لـه وثـنـه لغـيـره
نايف أبـن عرويـل يفـداه الأشبـاه=يسوى بعيـن اللـي يعرفـه عشيـره
شـوق البنـات المترفـات المحنـاه=فكـاك نشبـات الأمـور العسـيـره
قلـه ترانـا بخـيـر والفـضـل لله=وبـوادي السرحـان إلنـا مسـيـره
والنـا ديـار مـن نواهـا وطيـنـاه=حامينهـا مـن قبـل حكـم الجزيـره
بـس الله أنعمنـا بأمانـه وعشـنـاه=يوم أعتلا معـزي علـى المستديـره
امن اليمن حكمـه لـلأردن مسـاواه=ومن الحجـاز إلـى دبـي والفجيـره
وقله ترى عهـد الرفاقـه .. حفظنـاه=خوينـا .. بالنايـبـه .. نستشـيـره
وأنا خفوقي .. ما أعجبتنـي نوايـاه=متولع .. قبـل يعـرف وش مصيـره
متولع ... باللـي عجيبـه .. مزايـاه=أشد من ... رجـل تولـع .. بطيـره
حاولت .. أصده عنه وأشغله .. وأنهاه=وأبعد عسى في تالـي الأمـر خيـره
لكن يجي طاريـه .. وأحيانـآ ألقـاه=رغم أبتعادي عنـه .. شـره وخيـره
يا صاحبي .. يبقى الفخـر بالمجـاراه=بالذات مـا بيـن الخشيـر وخشيـره
والمدح ،، باللي يستحقـه .. كتبنـاه=وعين الحسـود المستشكـه ضريـره
جبت المثايـل .. يـا رفيقـي منقـاه=عن واحد .. عنده .. نوايـا حقيـره
وصلاة ربي .. عد وبل ،، نثـر مـاه=على الرسـول الامـي اخيـر سيـره
لشاعر/محمد مدان الشراري
صدىا
لي صاحبن يسعد مراحـه وملفـاه=غلاه فـي قلبـي تغيـب نضيـره
بيته ليامن مر فـي قلبـي اشعـاه=وشب الحشاء من زين بيته سعيرة
يم في سبكـه وحبكـه ومعنـاه= اسمـه اميـر الشعـر ولا خبيـره
حر ٍ على صيد الشريدات مربـاه=نسل الرجال اهل الفخر والشهيـرة
واهل الكرم والجود والصيت والجاه=واهل الفعول الماضيـات المنيـرة
تاريخهم يلجـم مطاليـق الافـواه=اوجيههـم مـن لاذ فيهـا تجيـره
شرابـت الدرفالرخـا والمـداراه=وجيـه شـر للجيـوش المغيـرة
لا جاء نهار ٍ يبس حلـوق وشفـاه=سيف الشراري مايغمـد شطيـره
يشهر على العدوان ويبـدد عـداه=وتولي جمـوع المعـادي فريـرة
قلته يومن القاف جانـي علـى اه=وسـاوا علـي الكايـدة بالحقيـرة
ياراكب ٍ من فـوق حمـراًً معفٌـاه=درعيـة ٍ تتعـب تبيـع الجريـرة
من دار ابن عرويل زبن المخـلاه=احقوقهـا ماهـي عليهـا قتـيـرة
قوس الضهر فالمنكب العرض منهاه=وكنه على السرجوف يثني مسيـره
اليا اقبلـت مثـل النبـال المعـداه=على الجموع المدهمـات المثيـره
لا جاء نهـار الكايـدة والمثـاراة=عن غيرهم تعمى عليها البصيـرة
تلفي على الي ساق يمـي مطايـاه=وانا على شوفـه اسـوق البشيـرة
واقلط على صفر الـدلال المسـوُاه=ومردمات ٍ حيـل تنحـر نحيـرة
وبيجلسك لا شك في حيـد مركـاه=وبيفزلك فـزت عشيـر بعشيـره
سلم على خشمه وقله تـرى جـاه=رد البيوت الشامخـات النضيـرة
يامحمد الورده سلامـك حفضنـاه=ونفخر بذكرك كل ماجـات سيـره
ومرسولكم عنكـم ترانـا نشدنـاه=واكد على الـي قلتهـا يـا اميـره
وهذي ترى للقلب هي غاية منـاه=عسى الولي يغدق عليكـم بخيـره
وانتم كفو يا اهل السيوف المحنـاه=وانتـم حمـاة الاولـة والاخيـرة
وحنا تـرى نجـد المسمىحمينـاه=بفعل ٍ تسولف فيه شبـه الجزيـرة
ياكـم ضـد ٍ فالمداحـم دحمنـاه=لين احتمينا نجد فـي كـل ديـرة
وحكم الامير الي على الدين مبنـاه=جينا تحتـه بسلـم ماهـو بغيـره
وياصاحبي ما اخلفت عهد ٍ قطعناه=وانت الصداقه فيك دايـم جديـرة
وان كان تنشد علـة القلـب وادواه=القول يغني عـن طويلـه قصيـره
الحب ماله طب لا طحت بأرجـاه=مثل السجن والشوق يشبه خفيـره
مانك بناجي منه لو قلـت بأنسـاه=مشاعرك تبقـى بحكمـه اسيـره
وانكان ماتقدرترى الصبر منجـاه=اصبر عسى في تالي الامر خيـره
ومقسومنا ياخوك لا بـد نرضـاه=لو كان فيه من الحـزون المجيـرة
هذا كلامي واكتمل كل مـا ابغـاه=في رد قاف ٍ شاق قلبـي عبيـره
وختامها صـلات ربـي ورحمـاه=على نبـي ٍ قـاد خيـر المسيـره
لشاعر نايف بن عرويل العتيبي
وفي النهايه صح لسان جميع الشعراء على هذا الإبداع
تحياتي وتقديري
حسن الشراري
آخر تعديل حسن الشراري يوم 05-Dec-2007 في 09:24 PM.