صلوا على النبي واستلموا
سودٍ بطاينهـا ومقاديمهـا بيـض=تسهب على خير العرب من قشرها
تشلع تحت ربانة الخيـر وتنيـض=وراع العلوم الخيرة مـا ومرهـا
اسأل عليها العذر لين انها تفيـض=ببر العلوم الطيبـه مـع بحرهـا
تزمل شتا ومن الشتا عام وتقيـض=لين الخريـف يذمهـا ويهجرهـا
اشتات وان جمعتها داخل الحيـض=تمحل حياضٍ شدها مـا نجرهـا
شيالها لـو يكثـرن المراكيـض=يسج رجله لين يوصـل خبرهـا
قدمت له معروض ضمن المعاريض=يمكن يقرب شوحها مـا نشرهـا
سهجتها برضاي لين انها تريـض=واعقل قدمها في الحشا واعقرهـا
بس انها راحت سهوم وتحاريـض=تشق صدر اللي بصدره ضمرهـا
يعطيني الطيب وكالـة وتفويـض=واكسر يدين اللي يديـه تعمرهـا