[مرزوق الثبيتي]

الاخوه مرتادي هذا الصرح العظيم
اقدم لكم هذه المشاركه راجيا من الله ان تنال على اعجاب الجميع[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
واقلبي اللي وسطه الحزن منقوش"="نقش الزري من فوق بيض المخامل
اليا ذكرت اللي له القلب مخروش"="قامت دموعي فوق خدي تهامل
يازين قلبي من محبتك مدهوش"="ارجي من الله قرب لاماك وآمل
ضحكي معك صافي ولاهوب مغشوش"="وضحكي مع اللي غير زولك مجامل
اطرب اليا طروك يازين واشوش"="واللي جذبني فيك تسعة عوامل
جيد ونحر وعيون وخدود ورموش"="والغنج والضحكه وحسن التعامل
والشفه اللي كل ماجيت ابي موش"="ارهي عليها مير مانيب صامل
اصطي عليها مير مانوشها نوش"="حشمه وهيبه ياظبي المهامل
تليت قلبي بالغلا تل قنطوش"="من عقب ماتلوه سربة هوامل
من عقب ماقفوا على تالي البوش"="اقفوا وراعيها يعض الانامل
لاكن قلبي بصفر السم منهوش"="لااقبل ظلام الليل والكل خامل
حلو الكرى وعيوني القشر في هوش"="امسيت من كثر الهواجيس زامل
تقول في قلبي طوابير وجيوش"="جيشا على خط الهجوم متكامل
جيشا تحرك بعد جا الامر من بوش"="امدرعاتن بالذخيره محامل
[/poet]