قصيده للشاعر محمد بن شاعي الغنامي مدح في الشيخ سعود برجس المريبض اعجبتني وانقلها لكم عسى ان تحوز على رضاكم,,,,,,
سلامـــي عـــد مــايــنبــت نــبات ومــا تــهب الــنود= وعـدد مـبدا الـنجـوم وعـد ماهلّت همايلها
وسلامــي عــد مــا تــبرق بــروق ومـا تـدن رعـود =وعـدد مـاهـلّت ثعول المخايل من مخايلها
وعــدد مــن عــظّم الــخالــق وصــلى لله الــمعــبود =وعدد ما فالجزيره من شعوب ومن قبايلها
عـلى سـعود الـمريـبض مسندي راع الكرم والجود = ابـكتـب لـه بـيوتٍ مـن صـميـم القلب قايلها
ابا ارسل مدحي الصادق على وضح النقا المجرود= لــشيـخ ٍ والله انـه حـقق الـطالـه وحـصلـها
كــريــم ٍ جــامــع ٍ كــل الــمراجـل دون نـقص وزود =جـهوده سـاعة الـشدّات والـميـقاف يـبذلـها
عــلى فــعلــه عــتيــبه كــلّهـا تـهديـه مـسك وعـود =جـمالـه مـن عـتيـبه لـلرجـال الـلي تـجملها
دعــم ربــعه عــتيــبه فــالــمزايــن دعــم لامــحدود =بـدعـم ٍ يـوم قـالـه هـوّل الـشيخان واذهلها
ومــستــشفى بــوســط الــملـتقى حـطّه بـدون قـيود =هـذا غـير الـمضـيف اللي مواجيبه مكملها
كــرامــه مــنه لــلي حــافــظوا عـلى سـهاف الـقود =مـذاخـير الجدود اللي عسى الجنه منازلها
مـــغاتـــير ٍ حلايــاهــا قــليــله مــع طــرفــها ســود =يسرّك شوفها لاجات لو ما انته من اهلها
ســـنام ٍ مــنفهق وارقــاب مــنتــلّه ســواة الــعود =نـسانـيس ٍ طـوال وجـيه ضـافـية ٍ مـهادلـها
كـبار جـنوب رثـم خـشوم مـن دانـي عـراض خـدود =وسـاع نـحور جـرد رقـاب خـالـقهـا مـعدلها
حــموهــا فـي زمـان ٍ فـات يـوم الـطرد والـمطـرود =رجــال ٍ تـارد حـياض الـمنـايـا دونـها والـها
حــموهــا بـالــسيـوف الحدب والارماح والــبارود =ومـشوا فـي شـفّهـا مـا رددوها عن مداهلها
وعــقب صــار الـحكـم لله سـبحـانـه ثـم ابـن سـعود = جـمع كـل الـشتات ووّحد الدوله من اولها
وصــرنــا كــلبــونــا اخـوان لاضـاهـد ولا مـضهـود =نـعيـش الـيوم في نعمه عسى الله ما يبدلها