منقووووووووووووووووووله
غزاي العضياني
هلا يامرحبا ترحيبة اهل الحل واجب حل --------- تراحيب نعطّرها بمسك وروح ريحاني
بعد جينا نبي نسمع ؟ نبي نهرج ؟ نبي نسأل ؟ -------- عشان المورقي في طرقته ماعاد ينساني
ملفي
يدوم الك البقا من خاطري نسمة زباد وفل --------------- اطوّع لك بيوت الشعر ياغزاي بلساني
تهرج مع صحيبك بالكلام الزين واخذ وخل ------------- انا خابرك شاعر مار ليتك ماتحداني
غزاي
سمعنا هرجة ابن العبد مدري هرجة الأخطل ----------- ولكن القدر والحكم يامرني وينهاني
بعد بكره تشوف سهيل مرقب فالسماء لاطل ----------- ليا مات الجهل للمعرفه مبدا وعنواني
ملفي
الا ياصحابنا ياللي تتلون السوالف تل ----------------- على شان المواقف كلها والا على شاني
بقي خمسة نجوم فالسماء واللي بعدهن فل ------------- ترى ماغيرهن فالكون لاواحد ولاثاني
غزاي
ترى بعض السوالف يابن مزيد لو تزيد تعل ------------ لياهبت وشبت جالها شعله ودخاني
ليا بان القمر يالمورقي ترى من الافضل --------------- وانا خابرك مسلم فالديانه مانت نصراني
ملفي
انا ادرن السوالف يالعتيبي بين دق وجل ---------------بعضها لو يمر الاذن لازعلني ولارضاني
ترى ماكل من يمشي على الطرقه يبا ياصل -------------- لو انه قال عندي موهبة خاتم سليماني
غزاي
انا مابيك تزعل ياوسيع العرف لو تزعل --------------- احولك حوالة ساب فالبنك البريطاني
ليا شفت المعارك طاحنه يانعنبو من ذل ---------------- انا ماودي اخذ ربعي الشعار من داني
ملفي
ليا شفت المواذين اذنت كبر ووض وصل ------------- ولاتذهب ويذهب سعيك المحمود مجاني
تعزوى والعزاوي ماتجوز الا لراع البل ---------------- معه صفر زيان وسابق من جيش ابن ثاني
غزاي
صلاتي لله المعبود رب الكون عز وجل -----------------تغانم فرصتك لاجات مع غامد وزهراني
ياراع الذود وين الذود عقّل ذودك الهمّل ---------- لوانك كنت شاوي بين ظلم وبين رضواني