[شعيل الزلامي]

هذي القصيده بعد التعديل بسبب الاخطاء الاملائيه

السلام عليكم ورحمه الله وبركاته

نقدم لكم قصيده : شعيل سرور الزلامي




صراخ الثكالا والنساء والطفوله

قالو تقول الشعر قلت ايه اقوله
قالو وش اللي قلت قلت ايش ماقلت
قالو نريد بيوت شعر معسوله
اخر قصيده لو سمحت وتكرمت
اما غزل و الا حو اليه حوله
قلت الحقيقه لي زمن ماتغزلت
ولاهو بقل احساس ولارجوله
املك شعور مرهف كنه الصلت
قالو وش الاسباب كان معقوله
وغير المحبه والغزل وش تخيرت
قلت ابشرو ياطلبين المقوله
هــذا هــو اخر مالديه ونـظـمــت
وبديت باسم الله وبامره وحوله
وصليت علئ المصطفئ ثم سلمت
والشعر اله بالفكر جوله وصوله
ينحت به التاريخ فوق الصخر نحت
واللي شغل فكري وشتت شموله
اللئ سمعته سمع واللي بعد شفت
صراخ الثكالا والنساء والطفوله
مرسومة بالذاكره ويــن مـــارحـــــــت
وسلب النساء واخضاعهن للفحوله
امام اسرهن كنت زوج او ابو كنت
رؤس الرجال منكسه ومخذوله
واعراضهم تنهك كما قلت واسلفت
ثلاثة خيارات غير محمولـــه
ياتنــتحر ياتوســر او انــك اعدمــت
يتم وترمل واضطاهد بشمولــه
تجعلك تتمنئ لاكنت ولاكونـــت
نساء بدون رجال وارض بــلا دوله
وهزو بمشاعر كل من قال انا اسلمت
بمراء من العالم بعرضه وطوله
ومن قال انا اصلي ومن قال انا صمت
غرايب ابو غريب تذهل ذهوله
والخافي اعظم لو حصلك وعاينت
بنت العشر تغضب وتقتل سهوله
وحنـــا نــغنــــي ياحبيبـــه ويابنــت
ونستعرض الاخبار وبلا خجوله
لو هي حبيبه كان في حقها قمـــت
وين العرب وين الفداء والبطوله
تخجل من اللي تشهده وين ماكنـــت
نشح بالارواح في كل جوله
والموت اله ميعاد لن قمت وان نمت
ابناء جوار ودين وابناء حموله
وروابـــط شتــئ ولا وحـــده صنت
يامن تطيع الله وتتبع رسوله
لا وامــــر الـــلـــه والنبئ ماتمثلت
مافيه رجل يعتصم في فعوله
يامعتصم لـيتك الئ عصرنا عشــــت
ماكان لاعدانا غدينا عموله
وارخص من المليم وارخص من السنت
ونقول باق النصر ماجاء حلوله
والنصر عند الله لكن وش فعلت انت
النصر ماياتي بقولت ياولـــه
النـــصــــــــر ياتـــي لاعـــزمت وتقـدمـت
وين العرب وين الفداء والبطوله
الئ متئ ماينكسر حــاجز الصمـــــت








تحياتي لكم

شعيل سرور الزلامي

آخر تعديل شعيل الزلامي يوم 09-Nov-2007 في 09:38 PM.