اليكم هذه القصه التي صارت لي عندما دخلت استراحه فيها من زملائي الشباب والبعض منهم متوسطي العمر , فكان محور حديثهم يدور عن الحب والعاطفه وصداقة البنات , فلما سمعت ماقالوا تحركت قريحتي الشعريه فكتبت هذه الابيات ..........
راحوا رياجيل المواقف والازمات=والا الزمن هذا زمان الخويه
خويتي راحت خويتي جات=خويتي قالت ياهووه ليه
البعض بالجوال والبعض بالشات=وكلن يجيب احلى الكلام بنقيه
ماهو هوى من قلب كلام حزات=يقضي اللزوم ويلتفت للبقيه
مايدري انه اضعف انسان بالذات=فعله ردي راع العلوم الرديه
عزاه ياوقت للاشناب عزات=تعرف مواجيب العرب والحميه
للخيل نطاحه وللعز منصات=اهل الكرم واهل العلوم النقيه
شبابة للنار في كل الاوقات=وللفزعة المظلوم تعط المنيه
وجدي عليهم وجد من والده مات=على زمان فات مابه بقيه
ياليتني لاحق تاليه لحضات=اجلس معهم دامت الروح حيه
وسلامتكم ,,,,,,