أولا السلام عليكم ورحمة الله وبركاته .....وبعد
قبل عدة سنوات تعرض سائق تكسي اسمه ماجد بن شيهان المقاطي " ان لم تخني الذاكره " لحادث سيارة قرب "ظلم " وكان طالع من الطائف ومعه مجموعة من الركاب فيهم شايب حربي .... المهم تعرض المقاطي لكسور وجروح متعدده وسلم من كان معه من الركاب ..عاد تخبرون ذاك الوقت ماكان فيه لا أمن طرق ولا جوالات وجلسوا الركاب يشرون على الخط يبون يلحقون خويهم ويودونه للمستشفى ... ويوم طولت السالفه والدنيا ليل اسود اقترب الشايب الحربي من ماجد المقاطي وقال له اصبر وانا عمك فضحك المقاطي العتيبي وأنشد قصيده جميله لا أحفظها كامله ولا اعلم هل ارتجلها المقاطي ام كان حافظها ورددها بعد كلام الحربي ومنها .....
انا عتيبي مرتكي على المرو صبار أصمد على سود الليالي الطويله
ماتجزع النقس ولو صار ماصار ما تجزع والله عزوتي ثم القبيله
عتيبه شياهين العرب يانسل أحرار يا فزعتي في المهمات الثقيله
يامكرمين الضيف يامحتمين الدار يوم راعي الردا يقطب صميله
ياضاربين بالسيف الحدب والسيف بتار ينطل روس اهل الردى و الرذيله
جيناك يانجد وراحت العرب مقطار شي عن يسار نجد وشي عن يمينه
جيناك يانجد لانا ضيوف ولانا بخطار وربك جيناك مثل وادي تحدر مسيله
عنك القبايل تفرقت والجموع كبار يوم الله مسلط علاهم اهل الفعيله