[فهاد الذيابي]

السلام عليكم ورحمة الله
اعضاء منتدى الهيلاء معكم بمشاركه اتمنى ان تنال اعجابكم

[poet font="Simplified Arabic,5,black,normal,normal" bkcolor="transparent" bkimage="" border="ridge,4,black" type=2 line=200% align=center use=ex length=0 char="" num="0,black" filter=" glow(color=white,strength=8)"]
عديت ضلع اطويق ضلع الرياضي = على اطويق الضلع رحنا وجينا
وتهيض الخاطر معه وإستفاضي = وبعنا على قمة اطويق وشرينا
وهلت مزون مسيلات الفياضي =البرق يبرق والرعد له دنينا
على محاجرنا سـوات المواضي = منها نجينا كيف مدري نجينا
شي انتعادل به وشي إفتراضي = وشي على ماشي يقنع حدينا
المرو يقدح من بياضه بياضي = وسود الصفا ماتحتها غير طينا
ياناس من يخبر للايام قاضي = الله ياكبر امعروفه علينا
يقضي لنا بالحق مابه تغاضي = إما خذينا الحق وإلا عطينا
حكم يميز ماعليه اعتراضي = يصبح يشيل إبه الملامه حدينا
يوم يودع فيه زعلان راضي = ونقول من عوج الليالي قضينا
إما طويت ارشاي واشتلت حاضي= والا على العد القراح ارتكينا
اونست من بعض الليالي شواضي=والفها من خوف لحد تبينا
واضحك بها ضحكه من العقل فاضي=ضحكه مجامل ترضي الحاضرينا
والهم لو يملك عماير واراضي = يمكني املك من صلاله لسينا
ماهو بهم ام العيون الغواضي = ذباحة بسهومها العاشقينا
حجانها قوسين مشط اللواضي =يبرق عفيف وترعد الباضتينا
وجلالها شعلة هشيم القراضي = كم صوبت مرحومة الوالدينا
ديمومة براقها بإنتفاضي = ترعش وتنعش كل قلب حزينا
برادها يطفي لهيب الرماضي = يورق بها غصن مضاله اسنينا
مهيوبه وسهوم أهلها قواضي = كن القمر في وجهها شقفينا
مصيونة فقيدته ما يعاضي = يابنت فيما قلت فيك أعذرينا
همي سنينه هددت بإنقراضي = مكارم الاخلاق والطيبينا
سواري منها المجالس تواضي = وأنا على ذلك من الشاهدينا
وقت تعلت به عيال الرباضي =أقفت مشاهيره وجو مقبلينا
من بعدهم جاء في الامور إجتلاضي= وتصعبت بعض دعاوي تجينا
الجاه والذمه تباع بمقاضي = لحب المظاهر عاشو الوافدينا
يابعد فرق اليوم عن عهد ماضي =يالله طلبناك الثبات اليقينا
هذا ومالي في الطوال العراضي = أوجاز الانباء باختصار اكتفينا
&فهاد الذيابي&
[/poet]