تصحيح للقصيده
وانا اعتبر نفسي هنا بالنيابه=عن حرب ربعي بني سالم ومسروح
اهل الوفاء من قبل عصر الصحابه=واهل النقاء اللي دونه الوجه ممسوح
سلام يالهيلا قبيلة عتابه=سلام(ن) اسوقه من الروح لروح
نفحة شذى ريضان نبت السحابه=معه وعليكم تنبعث منه وتفوح
من بيننا مابا المعزه غرابه=لها بوسط قلوبنا ابراج وصروح
للوصل بجسور التواصل صلابه=حقايق(ن) ماهي بقاويل ومزوح
ياللي على صدره نقشتوا كتابه=صدر الكتاب اللي للامجاد مفتوح
على جبينه ياجده من قرابه=تاريخ سيرتكم مدون ومشروح
صافح جبين الشمس عز ومهابه=احد(ن) عنه راضي واحد منه مجروح
لولا بياض افعولكم من رقابه=على سفوح(ن) دونها سفوح وسفوح
لطامت العايل الياجاك مابه=وذباحة الحايل لو الزاد مشحوح
فيكم على تكفى غلاثة اذيابه=وعلى ونعم فيكم ضرم راس مشفوح
تاريخكم بالطيب كل(ن) درابه=وعلى ماقيل العلم مقفي ومنطوح
الطيب ياعتيبه لبستم ثيابه=قول وفعل والكلمه اللي لها روح
واللي رجاء عفوه يسابق عذابه=حفاظ بيض وسود الاعمال باللوح
لو ماني محاسب على كل جابه=اني لاقول بكلمة(ن)حد ذابوح
يا افعالكم مع غيرها ماتشابه=لكن بظلم الناس ماني بمسموح
ايه احترم حق القبايل واهابه=والظلم عنه العبد منهي ومنصوح
ماتنهب حقوق القبايل نهابه=حتى اني انسفها على ضهري واروح
لكم اخشرى بالطيب من كل لابه=الطيب حق(ن)للاجاويد ممنوح
مثل المجم اللي عذي(ن) شرابه=كل(ن) بدلوه يارد الجم ويموح
مايغط نورالحق ويصك بابه=الا ضعيف العرف وقصير الشوح
عسى السحاب اليا تراكم ضبابه=وبروقه تفرق مثانيه وتلوح
على وطن صقر العروبه عقابه=همالها يروي عطش كل صحصوح
غيث(ن) مايذكر للضرر فيه اصابه=صحه على ماقالو الناس وصحوح
لين يتشابك نبتها تقل غابه=وروس الزبيدي كنه المرو بالصوح
ياموعد اصحاب الدعاء الاستجابه= اجب دعانا يامجيب النبي نوح
حاولت تجنيب الخطاء ورتكابه=ون حصل مطلوبي عفو كل طحطوح
قصيدتي تختال كبر وصبابه=على معانقها سمع كل ممدوح
وختام شاعرها مثل مابدابه=الا اني بكلمة شرف ودي ابوح
تدرون من اولا البعض من شبابه=برقاء وروق وبني سالم ومسروح
ارجو من المشرف الفاضل التعديل
فضلا وتكرما لا امرا