[خالدالعصيمي]

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يعاذلي في الكون مالك ومالي "=

أنا بفالي والمخاليق تختار

عاد الامل عقب الرجاء بانحلالي "=

وقنعت بالمقسوم عقب الذي صار

وغديت مثل العود مشراه غالي "=

وغلاه لجل يحرقونه على النار

تشوف دخانه يجي له ضلالي "=

ويروح كنه ما تكون ولاصار

إما حصل للشيخ عز وجلالي "=

وش قيمة الاولاد باكبار وصغار

إما حصل له في حياته مجالي "=

ومجالسٍ فيها يديرون الافكار

ويصير دايم مجمعٍ للرجالي "=

ويثبت وجوده مع طويلين الاشبار

وللصاحب احلا من غدير الزلالي "=

والا العدو يسقيه كاسات الامرار

ويذوق طعم الوقت مرٍ وحالي "=

وياخذ على درب التجاريب مشوار

ويحرص على قرب الرفيق الموالي "=

وهو على عسرات الايام صبار

واردا الرجال المدعي بالكمالي "=

اللي على كل المخاليق زمار

وخاب وخسر من قال انا اسقم لحالي "=

هذاك خبلٍ ماعلى كبده امرار

ما خذ حساب ايامها والليالي "=

بيومٍ به الاخيار تبلى بلاشرار

لاصار ماحوله رجالٍ مدالي "=

حلالة المشل صليبين الاشوار

يجيه ضده من يمين وشمالي "=

ويوجس من اسباب الدهر كسرة أعبار


الشاعر

محمد بن ناصر السياري




-






[/poet]