[فايح رجيس العالي]

السلام عليكم ورحمة الله وبركاته

ابتدى بيت القصيد وقمت أسجل في كتابه=كل ما سجلت بيت اليا بصدري بيت غالي
والقصيد ان كان ما جاء في محله ويش ابابه=ويش ابابه يا عساه يروح مرواح الهلالي
اقتنع به قبل لاقوله واحسب في حسابه=شاعرٍ وازن كلامي قبل نقاد الرجالي
ودي أظهر به كما عدن قراحٍ من شرابه=لين يصبح للرواه أهل الشعر مضرب مثالي
هكذا يا اهل الشعر والسيف عزه من نصابه=مايشره في الثقال الا عفاريت الثقالي
واحدٍ ما هو بذيب يصير صيدٍ للذيابه=لن جلس ماله مكان ولن مشى شاف الهوالي
والمعاني بعضها قاسي كما طعن الحرابه=السؤال من الاجابه والاجواب من السؤالي
والشجيع اليا غضب وقت الغضب يفقد صوابه=اسمعوا قولا محكم يا كريمين السبالي
قلته آنا فايح العالي ومن عذوة عتابه=عزوةٍ ما تبني الأبيات بالجرف الهيالي
واختم الموضوع واصلي على سيد الصحابه=عد ما هلت على البيدا هماليل الخيالي

الشاعر/ فايح بن رجيس العالي

********************

هذه قصيدتي في برنامج التحدي

أتمنى أن تنال اعجابكم

انتظر منكم الدعم

رقم الشاعر
657

ارقام التصويت:

الاتصالات السعودية
82828
82829

موبايلي
6646