[غازي البقعاوي]

	مشكور يالخمري على ايرادك لهذه القصيده الجزله وصح لسان ابن عمنا الشاعر المجيد وعساكم على القوه

المزايـن حـــان يـاربـعي عـتـيــبه = والفخـر ملبوســنا وقـت الصمــايـل
وارثــين المجــد في عـزوهـيــبه =كاسبــين الطيـب وافـين الخصــايل
الملــيك نطـــيع شــورة نحتذيــبه= في كتــاب الـلة ودروب الفضــايــل
وســنة المحمــود فرض نقتديـبه=والشـريــعـه دربـــنا مـامن بـدايــل
حافــظين العــهد لاشــبت لهــيبه= وبأمركــم نمـشي طوابـيروفصايـل
لابـتي لاثــارت الهيــجا حـريــبه=ياردون المـوت في ظهور الأصايل
روق مــع برقــا فعايلهم عجيـبه=يشــهد التـاريخ وشيــوخ القبـايــل
ربعــنا ياسعـد من كانوا صحيـبه=يحتــمون اللي دخـل من كـل عايـل
عزوة لامـن بغـــت شى تجـيــبه= ماتــهز الريـــح ماضــين الفعـايــل
العتـيبي يضـرب دروب صعـيـبه=في دروب المرجــلة حــنا الأوايــل
كـل رجــل يفتــخر ويــعـد طيــبه =طـيـبــنا مشــهود يـضــربه مثـايــل
الكـرم ماهـوعلى الهـيلا غريـبه=يذبـحون الحــيل لأرجـال الحمـــايل
يلطمـون الضـد والناجي صويبه=والحضيــض اللي سلم والدم سايـل
كم منـاخ وكم كـون وكم غليــبه=في صفـوف الضـد سويـنا الهوايـل
فعل عكـفان الشوارب نعـتزيـبه =طوعــوا من عـال بسـيوف صقايـل
فـعـلـهم نومـاس حــنا نعـتلــيبه=رأى وحـكـــمة وفـعـــل لـــة دلايــل
والقـبــايــل فعــلـها كــل دريــبه=ترتــكي للحـــمل وتـشــيل الثقــايـل
كل شيــخ من قبيــلة لـة نصيبه=من فعــل يمــناة دون لــة سجــايـل
وكل فارس ماخذ طيبة غصيـبه= ما نغـط الحــق لأرجـال الطـــوايـل
لكـن عتيـــبة زحــازيـح مهــيبه= موقــفي مع عـزوتي والشــك زايل
قالــها الخمري وجـدانه عريــبه= من سلايل روق أهـل فـعـل وجمايل
ربـعي العضــيان ركـن نرتكــيبه=للصــعـايب عنــدهم مثــل الســهايـل
ينطحـون القــوم بأرماح عطيـبه= في صبــاح وفي هجـــاد وفي قـوايل
وأطلبــوا الرحــمن كل يلتجـــيبه=ومن رجـــا الوالي يعــدل كــل مــايل
والخـتام أزكى الصلاة ونرتجـيبه=هورســول الحـــق مابعـــده رســايل
يارســـول كــل الأمــــه تنتخــيبه= أمتـــك وأشــفع لــها بكـل الوســايـل

	الشاعر/ صقر بن هايف الخمري العضياني

التوقيع

قصيدتي ( برقا وروق عينان في راس ) http://www.otaibah.net/m/showthread.php?t=49814 شيلة مهنا روق وبرقا شيلة سعود الدلبحي لقصيدة الشاعر الكبير غازي بن عون الرويس لمتابعتي بتويتر Albagawi Ghazi@غازي جزاع العتيبي