بسم الله الرحمن الرحيم
السلام عليكم ورحمة الله وبركاته
هذه محاوره الشاعر معتق الحربي مع الشاعر محمد بن طمحي الذيابي ::
ابن طمحي :
ياسلام الله عليكم من هواجيسٍ نظيفه =من هواجيس نظيفه كنها نبت الفياضي
العرب قالوا بعد ذاك الخليفه جاء خليفه= قلت منهو ياجماعه قالوا فلان العياضي
معتق :
مرحبا ترحيبة مثل الجبال اللي منيفه = بإسم ربعٍ فعلهم معروف في حاضر وماضي
ابن طمحي ياعسى التوفيق ياعالم حليفه =ابشر انا قدها والعلم مافيه اعتراضي
ابن طمحي :
الدعاوي يالعياضي لاتحسبها خفيفه =الدعاوي ماتبى الأ واحد مفتي وقاضي
كان ماعندك شهاده ماتحصلك وظيفه =لو تسيّل بالملف من القصيم ليا الرياضي
معتق :
عارفين ان الدعاوي ياولد طمحي كليفه = والليال السود ماهي ياولد مثل البياضي
العياضي ياعرب مايقدر يعذرب بضيفه = لو أخبره وسط مكه مثل بياع المقاضي
ابن طمحي :
انت دوبك جيت تبغى تخطب البنت الشريفه = والشريفه ماتعاين فيك كان الجيب فاضي
انت لو خاويت ابن طمحي وسيفك مثل سيفه =كان سيّرنا وسيّطرنا على السبع الأراضي
معتق :
العفيفه لابغيناها عطيناها النصيفه =وانت ماتقدر تجيها يابو كتوف عراضي
اثر عينك يابن طمحي تنظر لغزه وحيفه = انتبه ياصاحبي لاتفرض العلم افتراضي
ابن طمحي :
النصيفه نقص جيب الكامله والأ حسيفه= ياصغير السن فكر قبل امشيك امتغاضي
لو طلع واد الرمه سيله مثل وادي حنيفه = ماحد خيل مزون برقها بالصيف ناضي
معتق :
اثر فكرك يالعتيبي راح للبنت العفيفه = عقب هاذي منت وارد ياولد فوق الحياضي
منته بعارف ربيعه منته بعارف خريفه =البروق تلوح وانت تقول ساع البال هاضي
ابن طمحي :
ياشبابه ياشبابه ورعكم ماني بكيفه ==ون رضي بعض السوالف قلتله ماني براضي
لاغرابه لاغرابه يبلش الجندي عريفه = مير لن جازاه مره جاه رجفه وانتفاضي
معتق :
الورع خلى بقلبك ياهذا الرجال خيفه = أنت وشبك قمت ترمي ياولد طمحي شواضي