[الروقي البرقاوي]

ضويحي بن محمد ابن كبيشان ( ابو محمد )



الفئه الثلاثين


اللون وضح


المشاركة الاولى في المزينات


صور لبعض الابل









رابط سابق لصور الابل
http://www.alhaila.net/m/showthread....ED%CD%C7%E4%ED
.................................................. .................................................. .......

بعض الابيات من قصائد ابن كبيشان

حنا هل البل من قديمات الازمان ### وأهل الجزيرة كلهم يشــــهدوني
ومن لامني في حب حلوات الالبان ### عساه يحرم شوفهن بالعـيوني
شريتهن ما همني غال الاثمان ### ولاني من اللي لا شـــروا يبخلوني
ما ابغى الردية لو يقولون مجان ### ولكل ساقــــط عالمٍ يلـــقطــــوني
أدور الغالي ولو كان ما كان ### ليــــــا زاد ســـــعره قـلت أنا له زبـوني
وضحٍ ليا غنى المودِّه بالالحان ### من السِطَـــر تقول جـــاهن جنــوني
وصفت على القعدة تداحم بالامتان ### صـــفة جنودٍ صــــفوا يـــدربوني
مرباعها جو الغرابي ودسمان ### دار عســى تمطـــر علــيها الـمزوني
أحيان سيل وبعض الاحيان ودَّان ### حتى تشوف العشب من كل لـوني
ما كنك إلا داخل وسط بستان ### فــــيه أم ســالــم غردت باللــــحوني
في ديرةٍ ما طبها راعي الضان ### وأهــــل الــــبلد مــا جولها يكشتوني
وخُوة نشاما مثل محسن وهملان ### إيوالله أمــدحهم ويـــستاهلـــوني
أحرص على أهل الطيب ذربين الايمان ## ولا أبـغى الـردى وأهل الردى ما يبوني
والمعذرة وإن كان في القول نقصان ### وإن كان جاء مني خطا سامحوني

.................................................. .................................................. .......

يازينها وعن البلد لا تنحيت @@@ وجيت لك فـ ارضٍ فاح ريحة نفلها
وجمعت لك شلقت حطب ثم شبيت @@@ نار عسى تسلم يد اللي شعلها
وسحبت من مجمارها ثم سويت @@@ فنجال لا صك الجماهي عدلها
والا على أدنى بيت للبدو لفيت @@@ لا يا بعد شوف القصور وفللها
تلقى الرجال جلوس في رفة البيت @@@ بيوت عزٍ يعَز من هو دخلها
فزوا وقالوا لك هلا فيك حييت @@@ أهل الشجاعة والكرم من خصلها
ذبَّاحة الحايل وللهرج تثبيت @@@ ولطَّامة العايل ولا أحدٍ جهلها
قبيلة بين القبايل لها صيت @@@ حلت بنجد وشد من هو نزلها
ربع حموها من العدا بالمواريت @@@ حموا جميع جبالها مع سهلها
برماحهم تخضع رقاب العناتيت @@@ وسيف ليا ناش الجماجم فصلها
عشنا بها قدام لا يظهر الزيت @@@ ذقنا مراريها وذقنا عسلها
واليوم وبفضل الولي حامي البيت @@@ جاها الإمام اللي بحكمه شملها
وحَّد قبايلها بعد طول تشتيت @@@ ومن الجهل ومن الظلام إنتشلها
أقام شرع الله وقلنا له أقديت @@@ ودعا له دعاةٍ وربي قبلها
وساد الأمن ببلادنا وين ما جيت @@@ وعشنا بنعمة ما ندور بدلها
إدعوا وأبدعي كل ما اصبحت وامسيت @@@ للي من الأسوء للأحسن نقلها
إنه بواسع رحمته يرحم الميت @@@ ويوفق الأحياء ويحسن عملها
وصلوا عدد ما جاء الحجيج المواقيت @@@ على شفيع أمة محمد وأملها
.................................................. .................................................. ...

ابيات في ابن كبيشان


صــدقت يابن بلال ماأنته بغلطــــــــــــان && في بيــتك اللي قــد حفظتــه من سنــين


يمـــكن يســـرك فالميـــه لابدى الشــان &&واحــد ولاينفعـــك تسعه وتســعـــــــــين


هذا وأنا عــندي على البيت بــــرهــــان&& برهان يغني عن جميـــع البـــــراهيــــن


اليــا نصيـــت بحـــزة اللازم حصـــــــان && ســدك ولو انه وراء الهنــد والصيـــــن


وأن كــان فالمــاضــي للامجـاد عنـوان && أكيـــد للحــاضـــر شيــوخ وســلاطيــن


وللحــاضــر ضــواحي وللمــاضي فــلان && وأكيـــد فالمستقبــــل انت العنــــــــاوين

الشاعر: عبد الله صايل السيحاني

.................................................. .................................................. ........
نتمنى نجاح مزاين الهيلا وهو الفوز الذي ينتظره كل عتيبي


للجميع التقدير والاحترام

اخوكم : مرزوق بن فيصل بن طلال السيحاني

الصور والابيات منقوله من منتديات مجالس السياحين

آخر تعديل الروقي البرقاوي يوم 13-Oct-2007 في 07:27 AM.