[دكتور روق]

المشاركة الأصلية كتبت بواسطة الفارس919

السلام عليكم
اخوي دكتور روق انا جاني خبر من ان الشباب الي بيواصلون المسيره
جهزت اللجنه المطايا لهم
ولاادري الخبر صحيح اولا
ياليت نسمع منك خبر جديد عنهم
لان والله اليوم جاني خبر من احد الشباب انهم يجهزون حالهم للمسيره
بس ماندري متى تواصل المسيره وفي اي يوم تبتدي
عشان بس يكون عندنا خبر ونشوفهم
ولك مني جزيل الشكروالتقدير

................................................

الأخ ... الفارس 919

مرحبا فيك ... والله يحييك ..

لا تستعجل طالع عمرك ... شكلك تبي تحرق الأخبار اللي عندنا وحنا

جالسين نطبخها على نار هاديه ...

علمك غانم يالفارس ... بس اللجنة تبي تجهز كل شي بعدين تعلن عنه

عشان يكون الخبر كامل .. ما ينفع بالتقسيط ..

والخبر اللي جاك صحيح ... لكن رجل الأعمال اللي تكفل بجميع التكاليف

المادية للمسيرة طلب عدم الإعلان عن أسمه حتى يتم استكمال كافة

الاحتياجات المادية والمعنوية اللازمة للمسيرة ...

وعشانك جبت طرف الخبر ... أبلغك ان اللجنة كلفت الشاعر / مطلق

بن خالد البراق المعروف للجميع في سوق الإبل بالشرقية بأن يبحث

عن المطايا المناسبة وكافة تجهيزاتها حتى يتم تغطية قيمتها عن طريق

اللجنة ...وابوخالد مهتم بالموضوع حالياً ... وقد علمت بالأمس بتواجده

في الأحساء من أجل هذا الموضوع ...

كما إن اللجنة كلفت أخونا ... حمود بن دوخي النفيعي بتجهيز كافة

المستلزمات الخاصة بالأعلام والشعارات واللوحات الاعلانية والدعائية

للمسيرة الخاصة بالمطايا أو السيارة المرافقة لها ...

أخوي الفارس ... بقية العلوم بتشوفها بعينك في المنتدى وعلى الطبيعة

لو رغبت ... وتأكد ان اللجنة مهتمه في الموضوع ... وسوف نعلن عن كل

شي في الوقت المناسب ...

مقدر اهتمامك بالموضوع ... وتقبل تحياتي ...