[طلال الثعلي]

[poet font="Simplified Arabic,4,blue,normal,normal" bkcolor="transparent" bkimage="backgrounds/4.gif" border="none,4,gray" type=0 line=200% align=center use=ex length=0 char="" num="0,black" filter=""]
البارحـه كنيـت واليـوم ونـيـت= ونت حمام البيت حـول المقامـي
وجر قلبـي جـر غـرب تحـدر =اقفت تجره جـر عجفـا سنامـي
اقنب قنيب الذيب عجـل ا لمهاذيـب = اليا قنب قنيـب جنـح الظلامـي
على حسين الـدل زيـن المعـزل = عليه دمعي هـل مثـل الغمامـي
وعيونها نجلي بها المـوت عجلـي = يارب تفرجلـي سـوات القثامـي
ريحه زباد عقيل في قهوة وهيل = ياويل قلبي ويل جوعـان ضامـي
وريقه حليب خلوف واشعوفها وقوف = بالوادي المصيوف والعشب زامـي
قالوا معذب فيه يانـاس قلـت ايـه = ليصار مالـي فيـه بالـود لامـي
ويحش قلبي حش زرع(ن) بعد جش = الى ركيبه هـش يـوم الصرامـي
سووا جرينـه والعـرب محتسينـه = والصبح موفينـه بعـد باغتنامـي
واصبح من الى به يصفـي ركيبـه = تقـول لاحسـه الجـراد التهامـي
عقب المقام الزين جوف البساتيـن = خلوه من بقعـة ركيبـه قسامـي
عليـك ياثـلاب ياعسـل ا لانيـاب = يابو خديد فيـه حانـي الوشامـي
ذبحتنـي بالـود ياسهيـف الخد = وذبح(ن) بليا حق اثـام وحرامـي




[/poet]