[ابن مشيب]

يانجمة الصبح كبدي منك محروقه

.........................لاشــع نورك علينا لاتغيــبـيـني

ستاير القلب من فرقــاك مفتوقه

........................أصبر من العام لين إنك ذبحتيني

الـود لو نتركــه عنـّــا وطـاروقه

.......................أظني أرتاح وأنتي تستريحيني

لبّيك يللي تجـر القلب وعروقه

.......................كله علشان يوم إنك تلـبّـيني


تلحّني لـحّ ركبٍ عجّـلوا سـوقه

......................أو جل ذودٍ مسرّيهن شيابيني

عدّيت من مبسم المجمول لاذوقــه

.....................أنا بــلاي الحيا وأدرى على ديني

ياقلب يللي من ( الجازي ) دنا عوقه

.................... ياناس شيروا عليها لاتقاضينــي

وإن كان قلبي تليّـش عنه صندوقه

....................شــدّوه ليت آتجوّد عنه بيديني

قالوا معاليق قلبك منه مسروقه

...................قلنا خذته الضحى والناس واعيني

ياليت ربّي ومـــر خالد على شوقه

...................يفـك حبله ولو يعطى مــلاييني

يالله ياخالق الدنيا لمخلووقه

..................تقدر على الموت تذبحني وتحييني

تلم شــملي لابد الروح مرفوقه

.................بأربع هناديس في قبري تخاويني