الاوله والثانيه قلنا تطوف=واثر بنت ابليس ماهي تايبه
وآخر الإنذار ياشلة قطوف=فوق الإذن الحاضره والغايبه
استرح ياتيس واربض ياخروف=ريس التحرير ولا نايبه
مايجامل للضعوف الا الضعوف=في الامور المخطيه والصايبه
الله الله والنقط فوق الحروف=مانبي كشف العيوب العايبه
كل شي(ن) خابرينه ومعروف=ولاتخيب الا الوجيه الخايبه
من لقا لحن مغنى ومعزوف=اورثه ورث الولد من شايبه
وانت يالزبني عيونك ماتشوف=لعنبوهاك العيون الرايبه
انت وامثالك تحاف ولا تحوف=وانا وامثالي نجر الهايبه
بيض الله وجه سلطان الهاجري ....
أما مجلة قطوف فمكانها الارشيف ....
وقد قرأت عددها الاخير وفيها تهجم كبير على شعراء عتيبة بالذات وخاصة سلطان الجلاوي ....
كذلك فانها تسعى جاهدة لتلميع اشباه الشعراء من النظم والمحاورة .....
تحياتي للجميع