[عامر بن صعصعه]

منصور ابن فهيد مشكوور على الإظافه وإثراء الموضوع

وعام السبله يالغالي كل الناس تستشهد فيها ، وتشوفها على لسان كل رجّال

****************************
وهذي إظافه نسيت لا احطّها في الموضوع قبل شوي



وهي / سنــــــة الـعزايــــــــم : ـ

وسنة العزايم لو تنشدون عنها اي شايب علّمكم عنها وهي على وقت الملك سعود الله يرحمه لأنـه سـوّا جولـه على شيوخ نجد ويقلط عند كل واحد منهم

فصار تبذيـر بكل ما تحمله الكلمـه من معنى

وكل شيخ قام يماري بذبايحه وبكثرها ويحاول انّـه يصير اجزل من اللي قبله

وصار شهر كامل كل يوم يذبح فيه من 3 إلى 4 قعدان والخرفان بإعداد كثيره جداً

فعاقبهم الله على سواتهم ،، وحط عليهم ذيك العجّـه السودا اللي ترتع لا شفتها ،، ويحلفون ناس يقولون ان النهار تقول ليـل من هـالعجّـه

وسمّـيت بسنة العزايم نسبةً لكثر العازيم اللي صارت فيها ،، وما جاهم من عقاباً من الله


اتمنّـى انّـي افدتكم عن هذا الأسم


وانشاء الله الأخوان مهم مقصريـن بهالموضوع وكلّـن يطرح الشي اللي يعرفه لكي يثري الموضوع بما هو مفيـــد

تحياتي