الاخ سيف العدل....موضوع جيد وتشكر عليه واحب ان اوضح ان عائلة ابن نشار من العوائل الطيبه في قبيلة الدلابحه وبرز منها رجال فيهم خير ولو اني اريد التوضيح انه ليس لهم اماره في قبيلتهم وانما رجال طيبون ولهم مواقفهم مع قبيلتهم واكثر مابرز منهم في الوقت الحاضر المرحوم الشاعر فيحان بن عقيل بن نشار وله عدة قصائد سمعتها من خوالي الدلابحه (واتشرف بذلك) الا ان له قصيده سمعتها اعجبتني غاية الاعجاب وهي في الشيخ / صقر بن مرزوق ابن مسعد من شيوخ الدلابحه وهي من اجمل قصائد المرحوم فيحان بن عقيل في المدح ومما احفظ منها قوله /
قالوا تسيـَر قالت مابه مسايير@ خلوني اجلس في محلي لحالي
كفيت رجلي عن جميع المشاوير@ الا لشيّـال الحمــــول الثقالـــي
الا لإبن مرزوق ريف المنـــاعير@ لاشفت ابو نايف غدا ضيق بالي
راعي ثلاث مكرمات مباهيـــــــر@ والرابعه بالبـن والها اجتـــــوالي
جـده وابــوه متيهين المعـاشيــر@ والله وجـدانه تفــــــك التــــوالـــي
وافواههن امع الدرايش مناحيـــر@ ووردوا عليهن مهملين الحبالــي
ودايم محل الخير مذكور بالخيـر وعود الندا يندا جنوب وشمـــــالي
هذا مااحفظه منها وهي اطول والمرحوم له قصائد جميله وكثيره واعدكم بالمزيد منها في المشاركات القادمه وتقبلوا تحيــــــاتي وشكري والســــلام عليكم ,,,,,,,,,,,,,,,,,,