بيض الله وجهك على الموضوع الجميل
المهم هذي القصيده التي صارت فيها مغلطات كبيره ونسبت الى نمر بن عدوان وهي ليست له انا ما جبت الكلام من عندي من راوي معرف وهو:
الشرهان
انا سمعت الكلام منه ويقول القصيده لشاعر من اهل الحساء اسمه اذا ما خنتني الذاكره محمد بن مسلم وهو الي قال هذي القصيده واسمحولي بس حبيت اشير في الموضوع هذا وانا ما جبت شي من عندي وذمتي بريه
البارحـه يــوم الخـلايـق نيـامـا
بيحت من كثـر البكـا كـل مكنـون
قمـت اتوجـد وانثـر المـاء علامـا
من موق عيني دمعها كـان مخـزون
ولـي ونـة مـن سمعهـا مـا ينامـا
كني صويبٍ بين الاضـلاع مطعـون
والاكمـا ونــة كسـيـر السـلامـا
خلـوه ربعـه للمعـاديـن مـديـون
والا فـونـة راعـبـيـة حـمـامـا
غـادي ذكرهـا والقوانيـص يرمـون
تسمـع لهـا بيـن الجرايـد احطامـا
ومن نوحها تدعـي المواليـف يبكـون
مرحوم ياللي مـات شهـر الصيامـا
صافي الجبيـن بليلـه العيـد مدفـون
حطواعليه من الخـرق ثـوب خامـا
وقاموا عليـه مـن الترايـب يهلـون
مرحـوم ياللـي مامشـى بالمـلامـا
جيران بيتـه راح مـا منـه يشكـون
اخـذت انـا ويـاه عشـرة اعـوامـا
مامثلهـن فـي كيفـة مالهـا لــون
والله كنـه ياعـرب صـرف عـامـا
وياحيلـة الله شغـل الايـام وشلـون
واكبـر همومـي مـن بـزورٍ يتامـا
لا جيتهـم قـدام وجـهـي يبـكـون
وان قلـت لاتبكـون قالـوا عـلامـا
نبكـي ويبكـي مثلنـا كـل محـزون
قلـت السبـب تبـكـون قالوايتـامـا
قلـت اليتيـم انـا وانتـم تسـجـون
مـع البـزور وكـل جـرحٍ يـلامـا
الا جـروح بخـاطـري مايطيـبـون
قمـت اتوجـد عنـد ربـعٍ احشامـا
وجوني على فرقـا خليلـي يعـزون
اقلـوا تـزوج وانـس لامـا بـلامـا
ترى العذارى عـن بعضهـم يسلـون
قلت انا اخاف مـن غاديـات الذمامـا
اللـي علـى ضيـم الدهـر مايتقـون
تزعـل عيالـي بالنـهـر والكـلامـا
وانا تجرعنـي مـن المـر بصحـون
والله لــولا هالصـغـار اليـتـامـا
واخاف عليهم مـن السكـه يضيعـون
لاقـول كـل البيـض عقبـه حرامـا
واصبر كما يصبر على الحبس مسجون
عليـه منـي كــل يــوم سـلامـا
عدة حجيـج البيـت واللـي يطوفـون
واعـداد مانبـت النفـل والخـزامـا
على النبي ياللـي حضرتـوا تصلـون
وسلامتكم