اوصيك يازايد مزول الحياتي
::::::::::::: قدام لاتعجل عليه وفاتي
في مطرحن مالي عليك التفاتي
:::::::::::::::::::::::::::::::::::
ان كانوانك فاهم للوصيات
:::::::::::::::::::::::::::::::::::
ان كان ونك للوصايه فطيني
::::::::::::: اطرح لها بالك وخلك دهيني
اصحا ف مالك لاتظلي مهيني
::::::::::::::::::::::::::::::::::::::
ترى الفقر والمهن تمشي سويات
::::::::::::::::::::::::::::::::::::::
الاوله بوصيك للضيف والجار
:::::::::::::::: ترى الثنين هم معانيق الاخيار
هراجت الغيبه مودين الاخبار
:::::::::::::::::::::::::::::::::::::
تدكر بما تفعل على كل الجهات
::::::::::::::::::::::::::::::::::::::::
الجار لاجاورك والضيف لاجاك
:::::::::::: اصبر على حالك ولو كان يعضاك
الضيف لاما سار من عندك اطراك
:::::::::::::::::::::::::::::::::::::::::::::
يقول هدي من معازيمنا جات
:::::::::::::::::::::::::::::::::::::::::::::
واوصيك لاتمشي مع اللي صعافيق
::::::::::::: اللي يروح من السعه يتبع الضيق
وانتبه مجود فالمناسيب توثيق
::::::::::::::::::::::::::::::::::::::::::::::
مابين ابوك وجدك اهل الجميلات
::::::::::::::::::::::::::::::::::::::::::::::
بين الثنين مجودينك نسبهم
::::::::::::: وخلي ادبك يسير ضمن ادبهم
اصحا يقال الورع هدا عقبهم
:::::::::::::::::::::::::::::::::::::::::::::::
عز الله انه من مناسب وثيقات
::::::::::::::::::::::::::::::::::::::::::::::::
واوصيك لا ماجوك قوم الدعاوي
::::::::::::: خلك على الماسوم والحق ناوي
لايخلفونك هرجهم والحكاوي
:::::::::::::::::::::::::::::::::::::::::::::
افهم دعاويهم وارجع للاثبات
::::::::::::::::::::::::::::::::::::::::::::::
ان كان شافوا كل ماسوم وافي
::::::::::: بين الرفاقه والاجانيب صافي
قالوا ونعم مابين ناصر ولافي
::::::::::::::::::::::::::::::::::::::::::::::
مجود السيسان من كل الجهات
::::::::::::::::::::::::::::::::::::::::::::::
وليا لفيتو في ديار الاجناب
:::::::::::: خلك كما صقرن على حيد مرقاب
اصحا من الزله ومن هرج الاكداب
::::::::::::::::::::::::::::::::::::::::::::::
ترى لقيت الكدب ساس الغوايات
:::::::::::::::::::::::::::::::::::::::::::::
خلك مع الاجناب صافي نصوحي
::::::::::: واصحا فـ سدك لا تظلي تبوحي
لو شفت لك عربان تلبس مسوحي
::::::::::::::::::::::::::::::::::::::::::::
قول الزين ربي عزيز الرعايات
:::::::::::::::::::::::::::::::::::::::::::::
واوصيك لاشفت الوروش الحسينه
::::::::::: حسينة الالوان من غير دينه
لا تحطها لك راس مال وسفينه
::::::::::::::::::::::::::::::::::::::::::::
تدخلك في حالك هجوسن قويات
::::::::::::::::::::::::::::::::::::::::::::
لو شفت صورتها تواصيف واشكال
:::::::::مافيهن الا مست الروح والحال
ياكم صبين عقبن فيه مدهال
::::::::::::::::::::::::::::::::::::::::::::::
بعد المعزه عقبن فيه خلات
:::::::::::::::::هدي وصاتي وانت انظر فحالك
افرزت لك مكسبك مع راس مالك
وسلامتكم