الله الله
يالامير حريبيش
ترى عريب الجد ينشي وبتاع=يطلع كما جده ويرقي سنودي
بيت الشجاعه للشجيعين مرجاع=والسلم ما يحفظ يقع بالعدودي
والصقر له في ماكر الصقر ميقاع=مايبدي الا في طويل الحيودي
والبيت مايبنى بلا اطناب واشراع=ماينبني الا بالذرى والعمودي
والراس ما يومي بلا جنب وذراع=والجنب عزه من شديد العضودي
والحق له سده وله باب واسناع=مافيه بيع ومشترى بالنقودي
وان كان جاء فالحق شاري وبياع=يضيع بين المدعي والقعودي
صح السان الشاعر وقصيده اكثر من رائعه
وبعدين ابي اطلب منك طلب يالامير حريبيش
تعرف القصيده التي نسبت الى ساعد بن مشيلح الجعيد
ومره الى سند بن تركي الحليس
وهي قصيده رائعه
يقول في اولها
قال الجعيد الي تهيض بقافين =مثل العسل ولا حليب النياقي