[طلال الثعلي]

[poet font="Simplified Arabic,4,darkblue,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
يا جر قلبي جر لـدن الغصونـي = اغصون سدرٍ جرّها السيل جرا
على الذي مشيه تخط(ن) بهوني = والعصر من بين الفريقين مرا
وأهله منّول بالـورق يورقونـي = على غدير(ن) تحته المـا يقرا
لا والله اللي بالهوى هوجرونـي =هجر(ن) به الحيلات عيّت تسـرا
لا مبعد(ن) عنهـم ولا قربونـي = ولا عايف(ن) منهم ولا ني مورّا
وأكثر عذاب القلب يوم سنحوني = بيّح بصبري لـو بغيت اتدرا
قلبي عليه أشفق وتبكي عيوني = والحال مـن ود الحبيّـب تبرا
يا عز تالي من تفـرق شطونـي= يعزالي أرمـى بالسلـب واتعرا
إن مت في دافي حشاه ادفنونـي = في مستكن الروح ما هوبا بـرا
يضفي عليّ بخينقـه والقرونـي = ومبيسم(ن) عن الهبايب مذرا
وخد(ن) كما البراق فعلي المزوني= تقول براق(ن) من الصيف سـرّا
وأقفت لجله شايهات(ن) عيونـي = كنّي غرير(ن) باللهاوي مضرا
يا ليتهـم بالحـب مـا ولعونـي= خلوني أقضي عازتـي واتجرا
ويا ليتهم فالدرب مـا واجهونـي= ويا ليتهم ما زادوا القلـب حرا
ويا ليتهم عن حالتـي سايلونـي = يوم إني أقعـد عندهـم واتحرا
ويا ليتهم من زادهـم أطعمونـي = وأنـا علـى زاد اليتيـم اتجرا
لا قربـوا منـي ولا بعـدونـي = ولا ميس(ن) منهم ولا ني مـورا




[/poet]