طيب ياخواني ويابنائي وقع البلاء ولاحولا ولا قوة الا بالله وش تسوي علشان تخففه وترفعه عنك وتسكن احزانك .
قبل كل شيء الصلاة الصلاة الصلاة ورسولنا الكريم اذا اشتد عليه امر وش يسوي ياخوان ؟؟؟ تعم يفزع للصلاة . أي شي يصعب عليك صلي وادع وبتشوف اللي يضيك
والدعاء الدعاء الدعاء فما رد القضاء مثل الدعاء فالدعاء ياخواني شانه عظيم ونفعه كبير فهو مفتاح الفرج ان شاء الله واياك من التعدي فيه انتبه لهذه النقطة حفظك الله ولا ننسا الدعاء عند المصيبة ( انا لله وانا اليه راجعون اللهم اجرني في مصيبتي واخلف لي خيرا منها ) وصدقني بيخلف الله عليك باللي راح ويمكن احسن بعد – مثلا طاحت الاسهم وخسرت فبها قل هذا الدعاء وبيعوضك الله خير .. لاتقول المبلغ كبيروكيف ؟؟ لا ربي امره بين الكاف والنون ومافيه شي مستحيل على الله .خل ايمانك بالله قوي وربنا عند حسن الظن به فلنحسن الظن بالله ونفوض امرنا له هو ولينا في الدنيا والاخرة .
كذلك الصدقة فهي دواء لكل داء ولكل بلاء ايضا وجرب وشف بنفسك .
كذلك ياخواني وياابنائي القران ( المصاحف تشكو الى الله هجرها في البيوت – كاننا شارينها زينه للمكتبه نترززبها- القاموس ياوجيه الخير - عند الجماعه لزرونا ) لا ياخواني قرائة القران خير وبركه لك ولاهل بيتك وللجيران بعد ومن المعروف ( وابصم بالعشره ) انه دواء لكل داء ولكل بلاء وجرب وشف بعينك .