ياذيب ياللي جــــر صوتٍ عوى به = اقنب وانا اجاوبك بالصوت يا ذيب
مدري تبا تجــذب علي الذيابه = والا اطربنك عاليات الـــــــمراقيب
درب الوفا يا ذيب ما صك بابه = وربعي هل الفزعــات كسابة الطيب
لي لابة ما هي بأيات لابــــــــــه = كم نزحوا من دون حرش العراقيب
ياذيب انا ربعي سلايل عتابه = أهل الكرم والعز واهـــل المواجيب
خوينا دايم عزيزٍ جــــــــــــــنابه = وحريبنا تكـــــــــــثر وراه المطاليب
رجالنا بيــــــــــــنك وبينه تشابه = ينشا على فعل المطـــــاليق ويشيب
وانته تخاوي من عصور الصحابه = وافي ويسمى بك عطيب المضاريب
لو قال ابن هذال في اول شبابه = والحق وراها يالسريحـــــي مناديب
لكن لا تجـــــــــــــذب علي الذيابه = عود وانا بأبدي على الرجــــم ياذيب