[الفيصل]

هلا والله ومرحبا فيكم واشكر الاخ راعي الشقحا على اثارته لهذا الموضوع الشائك
والمثير

وبسم الله ابدا واقول:

انا اتفق معكم في كل اللي قلتوه بشان التربيه وان الشباب لابد ان يتمسك باصالته وتقاليده وعاداته وقبل كل شي دينه وعقيدته .

بالنسبه للميوعه فانا اتفق معكم وياكثرهم عندنا بالشرقيه اللهم لاشماته وصل فيهم الحد الى سلاسل وقصات سخيفه وحلق وخواتم واشياء تفشل بصراحه .
واتمنى من الله انه يهديهم ويرجعون الى الحق والظاهر انهم بهالحركات يحاولون يجذبون فئه من البنات اللي مثلهم التعبانات ؟؟ لكن على فكرة البنت الاصيله المتربيه
لو يجيها واحد مثل هذا راح تتفل في وجهه لانها متربيه وتبغى الرجال الاصلي الشهم اللي بمعنى الكلمه وهذا واضح ونراه جليا على ارض الواقع الا الشذوذ ولكل قاعده شواذ .


نجي الحين لنقطة الاختلاف وهي ان شاء الله لاتفسد للود قضيه:

احيانا نجد احد الاخوان اللي مااخذ من البداوة اسمها ويحب يصير على الناس وكانه عنتر بن شداد في زمانه .
انا اقول لكم وشلون واضرب لكم امثله

يعني مثلا انت اذا رحت مجلس رجال مستحيل تقلط عندهم بجنز او وانت حاسر راسك وهذا متعارف عليه انه عيب .
لكن اذا جيت تلعب كورة مثلا لابد لك من لبس رياضي واذا جيت تطلع مثلا للبحر لابد لك من لبس معين .((لكل مقام مقال))
وترى يااخوان لبس الجنز ماهو عيب لكن العيب التنطع في المشيه وتقليد الغرب
وانا على فكرة ضحكت من بعض الاخوان عندنا هنا والموقف اللي حصل انه شاف واحد من اخويانا الصبح لابس له جنز وكاب ويسوق السيارة
وجاني اليوم الثاني يقول يافلان الحق؟؟؟؟ قلت وشفيه ؟؟
قال تعرف فلان خوينا ؟
قلت له ايه وش فيه عسى ماشر ((انا قلت صار فيه شي لاسمح الله))

قال : الله ياخذ عمره لابس جنز ويتمشى بهالشارع والله الرجال تغير الظاهر والله العالم انه صار منهم ؟؟؟؟!!!!!!! ههههههههههههههه

ارجو يااخوان ان لاتكون نظرتنا قاصرة لا ن الرجال يشتغل في مكان يحدد عليه لبس معين واخينا في الله مايدري فالرجاء عدم اخذ القشور والنظر الى صلب الموضوع
وممارسة الحريات بعيدا عن خدش الذوق العام ومع التمسك بدين الله وسنة نبيه .




وتحياتي لكم