[سعد بن مطلق المقاطي]

يالله التوفيق ياخير معبودي=خالقآ ذا الكون والخلق مخلوقه
بعد ذكر الله نبداء بالبنودي=نلحق المعنى ولايصعب لحوقه
ياوجودي يابو نايف ياوجودي=وجد حرآ مايخلنه سبوقه
مايهيد البال لين شوف ذودي=مع غروب النور ولامع شروقه
باذل في ماذكر كل الجهودي=مرتعه يم الشعب وقصى فروقه
في هوى شيخه لياشان النفودي=نتبع الوسمي ليالاحت بروقه
ساري الودان يخضر كل عودي=الثرى فوق الثرى يروي عروقه
وان بغينا نجد كله مايكودي=من حصاة حويل الى شهبا خنوقه
ملك اهلنا من على وقت الجدودي=حبها متوارثينه من عموقه
وان حدانا الوقت مافيها قعودي=ناصل الصمان لاجا الغيث فوقه
مانهاب الى تعدينا الحدودي=يوم بعض الناس فى بدرب مخنوقه
مع هل الذيدان والهقوه تزودي=ماتشوف الاوسم برقا وروقه
هم اهل اللبل من على ماض العهودي=كل صنديدآ ثنى من دون نوقه
بيرق بن حميد مايبغا شهودي=رايتن فوق الجمل واللي يسوقه
يشهدالتاريخ مافيهاجحودي=تركي بن حميد من يجهل طروقه
وحمد الله يوم جاء العهد السعودي=كل راعي حق مايوخذ حقوقه
وصلاه على النبي ماهب نودي=ياعسى نفسي من النارمعتوقه

التوقيع

ديــــــــــــــــواني