بيض الله وجهك أخي أبو ريان ولدي إضافه على الموضوع
فيقال أنه كما ذكرت المتسبب في وفاتها ولا كن عندما كانت تربط الفرس اطلق عليها النار وبعد وفاتها لم يقدر على الصبر حتى نفس عن خاطره بهذه القصيدة
سار القلم ياعقاب بالحبر سار=وبزيزف القرطاس يامهجتي سار
سار القلم بالنويهدات الصغارا=ياعين وكري وحش جين ماطار
أكتب جواب مثل قطف الثمارا=من قيل إبن عدوان نظم له أسطار
من ضامر كنه وقيدات نارا=مانيره النمرود تشبه لها نار
لكن ينهش بي غليث السعارا=والحال مني تقل يبراه نجار
أبكي وليف ولع القلب نارا=خلان بالدنيا وحيدٍ ومحتار
ياعقاب من فقده عيوني سهارا=كن في نظرها ذر شب وزنجار
أعول عويل الذيب ليل ونهارا=وأحن حن الجيد ناوً عن الدار
على حبيب بالترايب توارا=خلان مشتاق وحيد ومحتار
والله لا كذب ولاهو اقمارا=أيضاولاني بالتماثيل بذار
واخلاف مابين البسيطه اوارا=ومن طاف طيبه وللبيت زوار
أنا ان نظرته رامي للجمارا=كن القمر في موق عيني إلى اندار
ياعقاب لو تجمع جميع العذارا=من اليمن لديار نجد لسنجار
من بصره الفيحا إلى قندهارا=من غير وضحا مالك الله نختار
أجل جل الزين حسن المسارا=راعي جديل فوق الارداف نثار
العنق عنق اللي تقود العفارا=قايد اخشوف الريم في دو الأقفار
ياغصن موز تحته الماء يجارا=في وسط بستان دنت منه الأثمار
ياعقاب ما والله مدير النهارا=مجري سفينة نوح في غب الأبحار
لوجن بنات البدو صف تبارا=على الحنايا دللن كل خوار
ولوجن بنات الحضر مثل المهارا=سطر الذهب بارقابهن تقل نوار
ولو جن بنات صليب فوق الشهارا=ياماحلا بشفيهن دق الاوبار
ولو جن بنات الترك هن والنصارار=والهند واللي ساكن كل الامصار
جني ضحى العيد وسط النهارا=وقالو لنا يانمر قم طب واختار
ماخذ سوى مضنون عيني خيارا=الصاحب الي فر عقلي معه طار
فيها أخصالٍ وافياتٍ اكثارا=ومثايل فيها التفكير تحتار
قلت آه واويلاه مر المرارا=من مي زقوم جرعته له امرار
من فقد مسلوب الحشاء الزين سارا=غرور كما بدر لها النور نشار
ياليتني واياه نثني المثارا=فوق السبايا واشهب الملح زجار
لاكن ملك الموت جاله اعتارا=فرق وشتت واودع القلب محتار
ريحة جسدها مثل ريح البهارا=وبين اشفتيها تقل حص ومحار
لولا ضلوعي فر قلبي وطارا=لكن ينشر ثومة القلب نشار
من لامني به ثور أو هو حمارا=والثور أخير منه إن قيل له دير يندار
وصلاة ربي عد وحش القفارا=ولا عدد نبت يروي بالاقفار
على النبي المبعوث سر واجهارا=سيد البشر اللي قهر كل جبار
آخر تعديل الرويل الأول يوم 26-Aug-2007 في 09:12 PM.