[مرزوق الجعيد]

المشاركة الأصلية كتبت بواسطة فالح الكرنافـ

هذه محاوره با الجنادريه يضا بين صياف ورشيد..........
صياف
يا مرحبا واللي حضر يقلط على سمن او سمين**والكلمه الطيبه يقدمها ويفتح بابها
رشيـــد بن زيد الزلامي صاحبي هـــاك السنين**واليوم يغدرني بغفله ماحسبت احسابها

رشيد
يا مرحبا يا طيب تعـــرف حقـــوق الطيبين**اوقف على حيلك وشب النار يا شبابها
واشلون اسوي لك حراسه من يسار ومن يمين**خايف على صياف من بقعا ومن مشعابها

صياف
حنا ترانا مسلمين ومن عيال المسلمين**والي تغش العرب لا جتنا ولا جينا بها
تقدر تسويلي حراسه با الثلاثه والثنين**لكن حدتك الرجال اللي طوال اشنابها

رشيد
ما في شك با الحروب اللي لهم دنيا ودين**لكن اشك ابناس بالسكه تعوج ارقابها
العام يا صياف يوم ان الرحا تطحن طحين**وانت السبب في ذيك وانت سبها واسبابها

صياف
ما انته مشكك في الحروب وذاك خشم وذاك عين**لكن لا تزعلني من الدعوى وانا طلابها
دارت رحـــــاكم مــره وحنـــا رحـــانا مــرتــين**واللي ما يسمع صوتها تطحن ولا يدرابها

رشيد
اللي مخلينا نشكك فيك با القلب المتين**وسوس لك الشيطان تشتال العرب بترابها
هاك السنه تحث شيخ والعرب لك مخلصين**واليوم لا في روضه المسجد ولا محرابها

صياف
يالو سكتم يا الزلامي في السكوت مجملين**لاكن قمتم تدفعون اسليم فوق اصحابها
اصبر علي ايام ثم ايجيك مني علم زين**وتذوق طعم التمره اللي ما صنعت اعيابها

رشيد
بعض الهروج العوج ما حنا عليها ساكتين**تصبح تصرفنا مجانين تشق اثيابها
اللي حصل يكفيك ما تحتاج منا ضربتين**وبعدين لا تضحك من البلوى ولا تبلابها

صياف
اليا قرينا الفاتحه واجب عليك اتقول امين**ما فيه اشر من الحلوب اليا انكفا محلابها
سمعت صوت اسلاحكم خير عساكم صايدين**واياك تضحك للصقور اليا انعكف مخلابها

رشيد
صياف يقرى الفاتحه سبحان رب العالمين**لكن ما وفق على القبله ولا صلابها
انته تجمع حرب وتوصي لحرب الغايبين**والله خدمنا شر حرب احضورها واغيابها



صياف
لا تحسبنا باسفل الحفره وحنا سالمين** وانته بدوي ياصل(الهضبه) ولا عدابها
اليا تواجهنا مع الحجاج في ضلع القرين**هذّّّّّ ب لي علومك وسلم خنجرك وانصابها

رشيد
من سوء ضنك تحسب البدو ناس مغفلين**لكن جربت البدو لا عاد تطرق بابها
من كثر ما عطينا جملنا صاير بطنه سمين**واخذ على دربه بعارين ترز اذنابها


والثانيهـ ابحثـ عنها انشاللهـ القاهاا

تحياتيـ لكمـ

فالح الكرنافـ


منقولهـ

بيض الله وجهك على النقل
وقد تم تعديل بعض الاخطاء الاملائيه ارجو اني وفقت في ذلك تحياتي