بيض الله وجهك ..
والله يرحم فقيدكم وموتى المسلمين ..
واسمحلي بتنسيق القصيدة
الله من علمن على القلب مقواه=أركى على كبدي سوات المليله
علمن لفاني يوم جاني مفاجاه=يوم الخفير العسكري قال قيله
ليت الاذاني صم وماوحن طرياه=وفاة غمرين الوفا والشكيله
تسابقن دموع عيني لفرقاه=تشبه هماليل المطر في المخيله
لو البكا يرد غالي بكيناه=بكيت حتى انه يجيني واجي له
وحتن ميلات الليالي تعداه=وكلن فعل مثلي لفقدة زميله
مير البكا ما رد احدن لدنياه=من جنه الاقدار قرب رحيله
هذا القدر والموت لا حان سكناه=كلن وقف عاجز على غير حيله
جاهم قدر ربي وبساعه فقدناه=زحل الرجال اللي يزبن دخيله
صدمه فجيعه باليتامى تحراه=والصدمه الاخرى بوجه الحليله
ياشعر اخضع واكتب اللي بغيناه=وخل القلم يسكب بحبرن يشيله
خل الضمير يخفف اللي حملناه=شي على صدري حموله ثقيله
فيه الصفات الحسن واجد لقيناه=من مثل ابو جراح بالقى بديله
فالطيب والمعروف تركض مطاياه=تسبق فعوله كلها دون جيله
والقلب ابيض كنه الشاش حلياه=محدن يكن له الغشش والفشيله
وان جيت باب الكرم جابله جاه=تفتحت بيبان جود جليله
له بالخوي والجار حشمه ومنجاه=ينجيه لاجاله من الوقت ميله
واخوه لامني بغيت المدح جاه=تسابقت بيوت شعرن جزيله
مثل النداوي طلعته عالي أعلاه=يشهر وفي عينه يرود الطويله
طيب وفي بالجود دايمٍ تلقاه=فيصل صبي الجود راعي الجميله
عساه فالجنه مع الحور تزهاه=وبجنة الفردوس ظلن ظليله
الله يرحم طيب الذكر واخاه=في رحمة المعبود منجي خليله
ارفع كفوفي للسما دايم ارجاه=للخالق المعبود اجيه ارتجي له
انه يمد لهم بعفوه ورحماه=لهاك القبور اللي عليها نثيله
وختامها مني صلاة مزكاه=على شفيع الخلق وافي الخصيله
تحياتي ،،،،،،،