ياصاحبي قول لي وين انت لك مده=غايب ومغلق عن الارسال جوالك
صديت واقفيت مدري ويش هالصده= يالله عسى خير فأقفايك وفأقبالك
انا انتظروالصبر مني وصل حده= وانته ولاكنني مطري على بالك
ياصاحبي فالرخا اسأل عنك والشده=واشتاق لمقابلك واسأل عن احوالك
غلاك محفوظ في صدر ٍ حفظ وده=ولاباح سده يكود الا لك الحالك
بيت الغلا ابنيه لك فالقلب ماهده=وبين الحنايا تعرف اليوم منزالك
ان كان تطلب طلبك اليوم مارده=وان كان تقبل قصايد شعر تهدالك
وان كان في خاطرك علم ٍ خفا بده=لابد الايام تصفالي وتصفالك
وان كان ناوي الفراق وناوي الصده=ماقول لك غير فال الله ولافالك
| التوقيع |
ياناشد ٍ عن عتيبه تعرف اعتيبه =قبيلة ٍ تظهر المسجون من سجنه !
قوم ٍلها العزّ والامجاد والهيبه =وتشهد لها الناس ( قبل العرض واللجنه )!
واللي تشوفه على (الصحرا ) نماريبه =هذاه مترك سليل المجد ابن حجنه !
mrm@mergab.com |