اقتباس:
المشاركة الأصلية كتبت بواسطة اخو جوزه
ههههههههههههههههههههههههههههههههههههه
صعصعه جيت اصعصعبك
وش قال قال لنا ديار فالصمان
اقول يالسبيعي ماتمللك شبر في ديار مطير ولاكن للاسف الاحظ
انك تحب تستضعف عند كل قوم علشان تثبت وجودك
وانا والله اترفع عن الكلام معك ياصعصه انت والمرتزقه الي جايبهم
معك وبالنسبه لشويه ما اخذتوها الا في حكم ابن سعود وهي منحه
لكم ومن المعروف انكم ما تغزون الناس لحالكم ولاكن مرتزقه مع العالم
من اجل العيش فقط
والصمان ديار علوى اخذوها بسيوفهم وارماحهم الي تضرب فيها الامثال
وانت يا صعصعه اقلب وجهك للخرمه وخلك مع القرود خل الصمان
لهلها حمران النواظر
(((((((((((اخواني
الدويش
الشرقي
العوني
لاتردون على هالاشكال وبالخصوص صعصعه لانه يكن الحقد والغبن
والذل من مطير واي موضوع فيه تذكر مطير يجي ينبح فيه لانهم واطين
على خشمه
اخوي
بن فهيد
اشكر لك مرورك لاكن لو تنشد لك هندي فالشارع وقلتله لمن الصمان
بدون منافس يقولك لمطير وياحبذا تمرها مرور وتعرف دولة مطير وديارها
تحياتي
|
بسم الله الرحمن الرحيم
الاخوة المطران بعد السلام ادعيتم فيما مضى ان اصحاب العشر المردف منكم فقط وليسوا من سبيع بن عامر الغلباء ولااراكم محقين في ذلك لان اهل العشر السبعان قبل قصة العوارض المطران من اصل سبيعي بمئة واحد عشر سنة اذا ان قصة السبعان عام 1213هجريه في حكم الامام عبد العزيز بن محمد في الدولة السعودية الاولى والعوارض 1324هجريه قبيل مقتل الامير عبد العزيز بن متعب بن رشيد في معركة روضة مهنا بايام قليلة وقيل 1325هجرية في عهد الامير سعود ابوخشم بن عبد العزيز بن متعب بن رشيد فمن هو الاول والاولى ومن سبق لبق كما قيل واليوم تدعون بالصمان زورا وبهتانا واهل الردات ما جاءتكم الا من سبيع ولتعلم ان الموهه اجتمعوا على مويه هكران ومعهم الخواطره من سبيع وكذلك مع واصل العبيات والعفسه والوساما من ال عمير اخوان الجخاوين المشاعبه والعوارض من العمور الخوالد من عقيل بن عامر اخوان سبيع فكيف بادعائكم والحالة هذه وقد قال شاعر قديم عن مطير عندما كانوا هم وسبيع في الحجاز
وفيها من سبيع لفايق
وماكذب رحمه الله وادعيتم انكم من ذبح راع الحصان الشيخ جديع بن هذال رحمه الله والواضح من القصيد ان ذباحه الادغم من الصمله من سبيع ولازال المكان يعرف بالادغم والاديغم والدليل حصان ابليس و قصة وقصيدة اهل العشر المردف: وهم جماعة من الفرسان من قبيلة سبيع كانوا في سريه ارسلها الامام / عبد العزيز بن محمد لمراقبة تحركات القبائل المعاديه لأهل نجد بقيادة / الشيخ عبيد بن دواس ابواثنين من شيوخ الجمالين وتقابلوا صدفه بجيش جّرار من قبيلة المنتفق قبيلة الباشا ابن ثامر السعدون وجرت بينهم الوقعه في ( نقرة سنام) بالقرب من الزبير وكان النصر حليفهم رغم قلتهم وذلك سنة 1213هجري على حسب كثير من الروايات وقد اثبت اهل العشر المردف قصيدة مشهوره تعتبر من روائع الشعر الشعبي التاريخي في نجد ومن الوثايق الشعريه البارزة وقد ورد في القصيده أسماءالمشاركين والفرسان وهم: الشيخ عبيد بن دواس ابواثنين وعامر الكبودي من عدوان وناصر الوائلي من عنزه وحمد ومنصور بن جفيران من شيوخ الجبور والشاعر سعد بن جاسر من الجبور وبجران وبداح بن خيوط من فرسان الجمالين وهاجد بن نوبان من كرام وفرسان المداريه اذ جده ابن نوبان الكريم صاحب القصر بين تربه والغريف والذي تغنوا به شعراء البقوم بعدما ارتحل وعلي بن براك من الصّمله وغيرهم. يقول الشاعر سعد بن جاسر الجبري
عمريةٍ جيناك من قلعة النيا
جينا على عشرالركاب ارداف
جينا مع زيزا حمادٍ متاهه
على صيّعرياتٍ صغار خفاف
شرف رقيبتنا بما بان قدمنا
وجانا معيفٍ هايله ماشاف
يقول قومٍ يرعب القلب كثرهم
للي يوقمهم ثلاث آلآف
غاروا علينا يوم شافوا قلنا
وردوا حيام وصدروا عيّاف
تهيا لنا في نقرة سنام دويسه
يشبع بها ذيبٍ جراه اضعاف
نقرة سنام لاسقاها وبل الحيا
ولانزفت عقب الحقوق عذاف
كان تعالجنا ليا ضيقوا بنا
معالج سباعٍ شاعهن اعلاف
وياكن وقيد ارماحنا بايماننا
سعيرة ضوء وسط غابة غاف
اباامدح علي وابن نومان هاجد
وحمد لنا في الضيق مثل سناف
ذبح ثمانٍ قبل تبرك ركابنا
عسى تعدا عمره الإتلاف
حمد ومنصور ظفرانٍ في اللقا
ضياغمٍ في الهوش والأاشراف
والوائلي ناصر سراع عثايره
من بندقه ساق الحصان أشظاف
ويانعم ياولد الكبودي عامر
يستاهل اللي له ثمان ارهاف
الجادل اللي كالقراطيس خدها
وقرونها لاجاء الجليد الحاف
وعبيد المنعور طعّان بالقنا
ماكنه إلآ بيننا وّقاف
اخذ بجران من الربع وشطره
حرٍ بدا في عالي المشراف
حيث ان بجرانٍ ليا ضيقوا بنا
له بندقٍ ماخانها الشّواف
وليا تشابك بيننا الحد والقنا
يبين فعله صامل الميقاف
بداحٍ وبجرانٍ صناديد لابه
عيال عمرٍ فعلهم ينشاف
واللي بقوا ماقلت عن وصف فعلهم
لهم من البيضاء ذراً والحاف
حنا نطحنا المنتفق قوم ابن ثامر
وظفران ماصدوا لها محراف
ياكثرهم وأنا على عشر حزب
احمدك يامنجي من ألأصداف
نطحناهم بمخيراتٍ تنثر الدما
وعيال عمٍ فعلهم ينشاف
وخسّرناهم مايه وعشرين سابق
وتسعين رجلٍ كلهم عرّاف
بلوقم وإلاماقدرنا نعدهم
في ساعةٍ ضيق والارياق انشاف
كان جثايا الخيل في ملعب النضاء
هشيم تذريه السيول ارداف
ياضبعةٍ بالزور عرجاً برجلها
ترى لك بين الروضتين اجياف
كله لعينا حرةٍ من جيشنا
ظهرنا منها والوجيه انظاف
تسعين سيفٍ علقن في حقبهن
ومسلّلاتٍ مابهن اغلاف
ياطارشٍ منا لاجيت ابن ثامر
يلبسهم عقب التّرام اغداف
حنا بني عمر سلالة عامر
قومٍ على الكايد ماهم بخفاف
وقد استولت سبيع بن عامر الغلباء على رماح والعرمه قبل ان تنساح مطير في نجد بقرون والدويش اشترط على العجمان اللهابه واللصافه ونحن مع ابن عريعر ضدكم في موقعة الرضيمه خلف فيضة التنهات اما السبيه فلم تشارك بها مطير مع سبيع بل ضد سبيع وهربت بابلها قبل الكسيرة من المعركة بقيادة الفغم وسبيع تمتلك موقع السبيه والشملول والى فيضة حسنى السبق من قرون لان المؤرخين ذكروا اخذت سبيع لقوافل عنزه على رماح وقبلها في الدهناء في القرن العاشر وقد اخذنا العرمه من الفضول من بني لام من طي والجبور من بني خالد وقد حدثت حروب كثيره بين سبيع ومطير ومنها على سبيل المثال تحدي الشيخ فيصل الدويش للشيخ علي الازمع ابواثنين ومن قصيدة الشيخ فيصل الدويش قوله
حنا نزلنا في طرف ساقان
غصب عليكم ياعلي
قمنا ورعينا عشبة الصمان
في مرتع دايم خلي .
في شف شقح تدهل الجيان
لا سمعت الصايح تجي .
ياويل من جاء يمة المطران
مغلوب لو انه قوي .
يشوف خيل فوقها فرسان
بصمع ولاهيب تهفي .
زيزومها وشيوخها الدوشان
نطيحهم دايم شقي ..
فرد عليه الشيخ علي الأزمع ابو اثنين ..
ياطارشي لا جيت ابن وطبان
مهوب فالمـــرتع هني ..
حنا رعينا العشب في الصمان
ونرعى مويثل همن نجي ..
غصب عليكم ياولد سلطــــان
وتجنبــــــــون أم العجــــي ..
في شف وضحى تدهل الحيران
مقياضها عد(ن) عذي ..
أبشر بخيل فوقها سبعـــــــــــان
خيالهم ماله لـــــــدي ..
بتشوفها بالنور لا من بــــــان
والنصر من عند الولي ..
ودكاكة مويثل عند دكيكة فيصل الدويش الاول وسط الصمان وبعد ان اقبلت خيل سبيع تمم قوله الشيخ علي الازمع ابو اثنين واخذ المعيد الوضح اباعر الدويش وقبله اباعرابن عريعر فاستماتوا مطير دونها لكن سبيع صملوا دونها واحرزوها غصب وعلى النقا صباحا حتى ان خيل سبيع اطاحت بالشيخ القريفه شيخ البدنا من مطير بعدها مطير ايسوا من المعيد الوضح ورجعوا بخفي حنين فقال الشيخ فيصل الدويش
جانا علي وفي يده مفراص
وعيا على تال المغاتيري
منها القريفة طاح فالمداس
وخلي لعكف المناقيري
وفي الختام اخواني المطران فان الكذب والبهتان طبع الرديين ولا يليق بكم ذلك وللدواوين كتاب وحساب ومطير قبيلة عزيزة عريقة ليست بحاجة الى تدليسكم وتزويركم للحقائق ويكفيها فخرا قول الشاعر الكبير محسن الهزاني
قالوا تتوب عن الهوى قلت لالا
الا تتوب ارماح علوى عن الزرق
او قول الشاعرة في عقوب الحميداني شيخ الحمادين الذي ذبح حجيرها
ياحلو مقطانكم يامطير
مير البلا كان شديتوا
يامطير يامشبعين الطير
في سهلة وان تنخويتوا
والسلام ختام لكل مايحبه الله ويرضاه
آخر تعديل طنيان يوم 08-Aug-2007 في 04:46 PM.