[ابن نميان]

الله الله


طاااروق كااايــف

حبيب =العازمي
مرحبا في دار شيخ(ن)شيخته من راس جده=شيخته من راس رداد البرى والكل داري
والكلام الي على الخاطر ليا قمنا نعده= مثل حد السيف مابين العتيبي والمطاري
تركي=2000
البقى يالي ترحب في محل اهل الاشده=من ضمير طاري(ن)له تالي الايام طاري
غايب(ن)لي عن حبيب ياوجيه الخير مده=ودي اسولف معه واسوق له بايع وشاري
حبيب = العازمي
البعير الي تبي تجنيه وسمي فوق خده=وان قنيته لاتعده من عدد سفن الصحاري
غيبتك مده طويله ضيعت نص المكده= ولا انا ماضاع لي قرشين في البنك التجاري
تركي =2000
البعير الي تقوله ياحبيب مانت قده=أحمد الله واشكره واشبع من الرز البخاري
حبيب=العازمي
المهم أني وسمته وانغدى الله لايرده=لوغدى مع جرته متروك قصاص الاثاري
راسك الي يالمطاري طارحه فوق المخده=من لذيذ النوم لابده تصحيه الهذاري
تركي=2000
من بنى بيته على الساس المسيس مايهده=وانت يوم الد عيني فيك اشوف ابكـ المواري
نظرتي يم الرياض وخاطري في وسط جده=العبوا ياصحبنا بلحونكم والليل ساري
حبيب=العازمي
انجلت عنك الغمامه وانت في ارض مجرهده=والحقيقه كنز عندي والدعايه عند غاري
الرفيق الي توده والمكان الي توده=كيف تجمعهم سوى وانته على خط الاتاري
تركي =2000
كل شي (ن) عندنا ياشاعر العتبان ضده=وانت مثل الي ليا شاف الخطر جاه انتحاري
مقصد(ن)في خاطري لاهنت مالي عنه صده=ياحدى الا مرين ياما بالرضى ولا جباري
حبيب =العازمي
عندنا لـضد ضد وعندنا لند نده=والخطر ماكف كف الصقر عن صيد الحباري
من بغى حبل الشقى ممدود مايتعب يمده=وأنت فكر في المدرج والهبوط الاظطراري
تركي=2000
لاتحسب الزمان يصير مزحه مثل جده=لاتعرض جنبك لضرب الهنادي والشباري
انت ياحبيب حبال الموت بيدينك تشده=كيف ابحذرك وانته ماتفيد ابك الحذاري
حبيب=العازمي
واحد(ن)يقضب نصاب السيف مايضرب بحده=ماله الا صافي العبرود من حلق السواري
لوعليا راسها يمشي مع المشط ويكده=ماعشقها الي يسجل رقم بيته فـ الكباري
تركي=2000
اسمعوها وأحفـوظوها يالجيوش المستعده=مايضيع الذيب لولى ليله غدى ريف غداري
ادري انك ممتحنها والنظر فيها تلده=مادريت ان الشريفه مالها رجال غاري

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]