[خالد المقاطي]

المشاركة الأصلية كتبت بواسطة راع العلطا

اخواني الاعضاء الاعزاء
اقدم لكم هذه القصيده
المتواضه وهي مسنده
الي الشاعر عبدالعزيز ابن جودان
واتمنى ان تحوز على اعجابكم

البارحه عيني قزة عافت النوم = ارعى النجوم المقبله والمقافي
كلٍ رقد وانا عن النوم محروم = الجنب عن حلو الفراش امتجافي
سبت هنوفٍ شفتها في ضحى اليوم = ياليت مما شفت رحت امتعافي
فيها من الإدمي تواصيف وارسوم = ونجلٍ هدبهنه على الخد ظافي
راعي جديلٍ فوق الامتان ملموم = ذيل اشقرٍ حقه مع الخيل وافي
والنهد كالليمون بالصدر مزموم = وحشاه مع زين التواصيف هافي
سهم الولع في محجر العين مسموم = عوقٍ لطراد الولع يالسنافي
واهني قلبٍ ماتولع مع القوم = ماولعنه لابسات الغدافي
اشكي لقرمٍ فالمهمات زيزوم = الي الياء جات الملازيم يافي
قرمٍ تواصيف التواصيف صيروم = من لابتٍ فالضيق تروي الرهافي
هيلا هوازن لحتما السوق والسوم = طار القناع وقفٍ فالعطافي
واخص ابن جودان والعلم مفهوم = واقول جاك العلم يالذيب لافي
اسندت لك قاف ٍ به الباب ماسوم = واخر مشد القاف وقف بافي

راعي العلطا


حرام انك هيضتني وطار النوم مني انا مهوب انت

صح اللسانك مليوووووون

ابداع منقع النظر ..... صواريخ

وبأنتظار اقصد في قائمه الانتظار

لننتظر المبدع الاخر : ابن جودان

ولله دركم ...