اسعد الله اوقاتكم بكل خير ..
ابيات متواضعه اتمنى ان تمر مرور الكرام ..
وش ذنب الاحساس علمني وانا بسمع=وش ذنب ظني ليا خيّبت لـي ظنـي
وشلون ترضا عليّ اشلون ماتجـزع=وانته وانـا كلنـا فالمذهـب السنـي
انا الذي قدمي الاعداء غصب تركـع=واعوذ بالله من الشيطـان والجنـي
بصمت بالعشر واصبع يلحق الاصبع=قدامك اضيـع واضيّـع معـي فنـي
انا معـك فالبدايـه مانويـت اطمـع=لكن قلبـي سرقتـه بالسحـر منـي
ان كان مفعول سحرك هكـذا يصنـع=اجل بعيش العمر سهران واونّي
ماغيرك انت السبب للعين لو تدمـع=والقلب حن الك .. ماظنيته يحني !!
ماكانت الهقوه اني لامركـم بخضـع=واقول يالله لك الحمـد ولـك المنـي
لكـن دار الفلـك بفصولـه الاربـع=حالي تغيّر وكني موسوس وكنـي !!
حتى من اسبابك بمشيي قعدت اخثع=وفي محجر العين كنيـت الدمـع كنـي
يامعذب القلب شوقي لك بدا يدفع=يدفع مشاعر وفـا والشـوق جننـي
باقـي كـلامً تمنيتـه لكـم يطـلـع=سحابـةً خيلـت والرعـد مـادنـي
ودربي ليا ازعجك ابا اتأسف وابا ارجع=مابيـك تزعـل وتصبـح ماتكلمنـي
وسلامة قلووبكم ..