[حاتم العطاوي]

المشاركة الأصلية كتبت بواسطة سلطان روق

يوم عيني خايلت براق خده ### والمنايا يوم سلهم في المحاجر

لا تعد الكسر عقبه لا تعده ### راح مرواح البصيص عند فاجر

جادلٍ سلك البريسم دق قده ### لا تمايل قلت غصنً جاء لحاجر

شبه وضحاً رعوجت يم الموده ### يوم صاح الها على ملي الحناجر

النحر مليان والمثناه نده ### والنهد رمانتٍ في غصن شاجر

والجديل يطير واليسرى ترده ### كل ماهب الهوى قايم يتشاجر

كل ماأومت في دجى المجدول يده ### لاحني ليل الشعر برق المناجر

وانا مالي قوةً عن صد وده ### وياعسى من صد وده مايواجر

ربي اللي يامر الشر ويضده ### لين لاح الصبح في جنح الدياجر

وانا عنده شاكي لوع الموده ### ولا لعيني عن هميل الدمع زاجر

اتوددله واشكوي له مصده ### لاتهاجر ياعذابي لا تهاجر

لين جاني وارتخى من عقب شده ### ثم سقاني من ثناياه السناجر

كن طعم الريق من ثغرً يمده ### في لساني مثل خجات الخناجر

الشاعر / فاروق الكسر المرشدي

تقبلو تحيات أخوكم سلطان روق

سلطان روق

بيض الله وجهك
فعلا قصيدة رااائعه لشاعر رائع

صح لسانك ولسان فاروق الكسر

ومشكور على النقل