الليله الليله سبكت القاف والمعنى سبك = ووجهت قافي والقصيده كلها لاطيب جهه
تغزيني الافكار ياشعري واجيلك واحسبك = تاقف معي وانت اتهجم ضدي مثل جيش ابرهه
كم ليلة ٍسريتني مسرى الذياب اعسبك = بين الحنايا عن رسوم ٍ فالخفوق امدهدهه
ورقيت بك للمجد والعليا وانا ماهسبك = عن الطريق المستقيم ومن يقفي ما اندهه
وانجحك لو ان مدرسة الحياه اترسبك = وافزع معك مثل الدويش اليا فزع للمندهه
وانا غني لوكان ما املك شي من اسهم سبك = عندي قناعه والسنين اللي تدور امنبهه
واليوم ياللي طيب ٍساسك وطيب منسبك =ارسلت لك والرد جيبه والقلوب امولهه
خابرك تاجر راس مالك مايضيع مكسبك = منته غشيم ٍ كل ماسمع النصيحه قال هه
صعبتها والصعب شي اتناسبه وايناسبك = والغانم اللي لن ورد يارد على عد ٍ رهه
هذي بيوت الشاعر اللي يسبك المعنى سبك = ومن طيبها دايم يوجهها على اطيب جهه
| التوقيع |
ياناشد ٍ عن عتيبه تعرف اعتيبه =قبيلة ٍ تظهر المسجون من سجنه !
قوم ٍلها العزّ والامجاد والهيبه =وتشهد لها الناس ( قبل العرض واللجنه )!
واللي تشوفه على (الصحرا ) نماريبه =هذاه مترك سليل المجد ابن حجنه !
mrm@mergab.com |