يالله جملني لا شـانت ظـروفـي *** ومدنـي باليسر لا مدت عسرها
الوقت لا كال من العنى يوفي *** مانقص كيلـه على نفـس حرها
وقتن معاندني بهمن وخوفـي *** في سنين ماضيـه ماقسى مرها
وعلى مامضى مـاسقت حسوفـي *** ولا اتشائم لو تنكدت بحاضرها
ياما طعنتني خناجر وسيوفي *** من ظروف الزمن وباقي اثرها
ولا قدرة اللي بعبـده رؤفي *** اللي رأف بحالي وزال خطرها
كان يمـدي لا سمعن ولا شوفي *** اجاور الاموات وسـط مقابرها
ماكنزت يـوم ملايين والوفي *** لا كن كنزي قناعه حلو بحرها
ولا احدن مدحته بكثر وصوفي *** لاجل المـال وعشرته ماخسرها
ولا رجيت عطا وبـذل معروفي *** من اللي فعوله لطيب ماذخرها
لان راجيـه خسـران ومكسوفي *** ومثل راجي القاع ينبت زهرها
الناس لا عطـت طبعها حسوفي *** وعطاهـا مصالح ورفـع لذكرها
ورب الناس لارفعت له كفوفي *** ثم طلبته ودموع العين تهمرها
يحقق مطالبك وتزين الظروفي *** ويمدك باليسر لا مدت عسرها