[مخلف الهقاوي]

المشاركة الأصلية كتبت بواسطة كعام المعادي

السلام عليكم ورحمه الله وبركاته

اقدم لكم هذه المتواضعه لعل ان تنال ربع ذائقتكم
وإليكم

كل(ن) يشوف عيوب نفسه على الغير = وانت بعيونك شفتني في غرابه
تبغا .. الفراق اقولك :: خير ياطير = هذا سؤالك :: واستمع في جوابه
الباب لو بتروح ؟؟ ياسعله بعير = وإذا تبي ترجع ماياسع ذبابه
اخذ الكلام ودوك فكره وتصوير = ترى !! الاصابع ماتجي بالتشابه
ماني من اللي بالهوى يعكس السير = ولاني من اللي بالهوى ..له طلابه
شاعر ولي في كل موقع جماهير = وان .. صفقولي غردي ياربابه
والسيف ماسله على نافخ الكير = ولاحملته لجل ناس(ن) تهابه
عزيز نفس وكل ربعي ؟؟ مناعير = ((لطامت العايل)) نهار الحرابه
والنعم في كل العرب دون تقصير = رايات بيضا .. مثل لون السحابه
مدري !!! وش اللي جابلي هالتفاكير = سجيت مع حبر القلم والكتابه
لاكن !! بقالي بيت ؟؟ يحتاج تعبير = اسمع .. واخذ مني فنون الخطابه
(كليب) قبل يموت وش قال :: (لزير) = ((لا لا تصالح)) لو خسرت القرابه
وإذا خسرتك منت ضم المخاسير = انا خسرة اللي .. بقلبي جنابه
والحين بابي لجلكم ياسع بعير = وإذا تبي ترجع ماياسع ذبابه

ياسلام عليك ياكعام المعادي

شهادتي فيك مجروحه يالغالي

ابيات في قمة الروعه لله درك

تبغا .. الفراق اقولك :: خير ياطير = هذا سؤالك :: واستمع في جوابه

يذكرني ببيت لمحمد بن جار الله السهلي يقول فيه:

قلت انتهينا قلت لك خير ياطير=ماني بأول شخص يخسر غرامه

بيّض الله وجهك على هالجزاله ياكعام سجلني من المعجبين بأبداعك