اقتباس:
المشاركة الأصلية كتبت بواسطة كعام المعادي
السلام عليكم ورحمه الله وبركاته
اضع بين يديكم الكريمه هذه المتواضعه الغامضه
وهي تعبر عن نفسها
واليكم.....
ياهجوسي انثنيلي من بعد نور(ن) جلا = واغطسي بي وسط غبات البحور الهولي
غرديلي يافرايد صدر شاعر(س) امتلا = من بعد ذالك وتمي يالمعاني واعتلي
دام ضرب السيف من فوق الخيول ايجندلا = والله انه في يميني سيف عز(ن) طايلي
راس مال .. ومال مايعطى لرجل(ن) يجهلا = وارثه من جد .. تلو الجد والدم يغلي
دايم اسهر طول ليلي لجل اطالب للعلا = وادحم العريف في جنبي وانا جنبي ملي
ماتحاقرت الرجال و لا ابي شين الحلا = الزحازيح الطحاطيح اوتسمع مايلي
الرؤس ان كان طالت ضربها يامسهلا = حان موعد قطف روس(ن) تعتلي واتجندلي
بس ياشين الطبايع ياخشير العملا= احذر وميز طريقك والجمل ماهو طلي
العرب قالو : طريق(ن) مايعزك اركلا = والهزل ماله معي خانه ولا هو منزلي
صح قالو : كل شاعر قال : مالا يفعلا = بس انا : لاقلت : صدقني اقول وافعلي
كانها في شعر قافي مارميته في خلا = اصدره واورده مال القليب الا .. الدلي
اغزي الجزله وصدري للجزيله مدهلا = واسبك المعنى بفص ولول وسوار وحلي
ياتوفي كيل شعرك في حياتك او فلا = لا تعقد احبال فكرك في طريق(ن) ممحلي
وكانها بسيوف + وسهوم + وخيول(ن) تصلا= والله انه في يميني سيف عز(ن) طايلي
صح قالو : كل شاعر قال : مالا يفعلا = بس انا لاقلت: صدقني اقول : وافعلي
|
كعام المعادي
اولاً صح لسانك وجزاله بلا حدود
ثانيا انا متابعك في المحاوره ويشهد الله ان قسمك وافر فيها
ثالثاً عجبني هالبيت والابيات كلها مليانه
راس مال .. ومال مايعطى لرجل(ن) يجهـلا=وارثه من جد .. تلـو الجـد والـدم يغلـي
ذكرني بقول ابن قضعان(راس مال ومال والمال مايعطى السفيه)-ان
ماخانتني الذاكره
بيض الله وجهك يالذيب ولاتبطي عن هالقسم