[النايع]

وعلى الطاري

الاسبوع اللي راح خشيت أحد المواقع بسبب الدعاية له في المنتديات

المهم شد بالي هناك موضوع فيما معناه (هذه صورة باحثنا أين صورة باحثكم!)

ويوم عاينت في الصورة سبحان الله العظيم
وشفت الوجيه الفليحه
تذكرت الغويفل

الغويفل اسم ناقة كانت معنا. مقشر من طبعها. مناخرها متطايره وما غير تخزر بعيونها وشراطيب شدوقها تروع اللي يناظر فيها.
وحسب رواية الشايب انه اشتراها عام 1407 هـ بثمانية آلاف ريال. وبعض الأحيان يقول انها هامل. وبعناها على القصاصيب أيام الرخص بألف وسبعمية ريال عام 1413هـ.

عاد انا يوم شفت الصورة صقع في قلبي وزارني صدى الغويفل الله يرحمها.
وما حسيت بنفسي الا وانا اهوبل واقول

ذكرتني بالغويفل يابن ....... = وانا السنين الخوالي كنت ناسيها
الفاطر اللي عليها وسمنا لاح = من ديرة مطير جبناها نباريها
تقفد ورى الذود مسراحٍ ومرواح = والزول لازم ليا عشّت يضوّيها
خسارةٍ ما جنينا منها الارباح = غير الذنوب اركبتنا من بلاويها

آخر تعديل النايع يوم 26-Jul-2007 في 03:43 AM.