السلام عليكم ورحمة الله وبركاته
اول قصيده اشارك فيها معكم في المنتدى وان شاءالله تكون قد المقام
ياوالله القلب صابه هم واحزاني=بسباب حبٍ عساه تموت احزانه
ذوقني المر وذقت الموت بالواني=اشوف موتي بعينه طاوي اكفانه
يا كيف ينسى غلاه وصدق الاشجاني=عقب الموده تباعد درب خلانه
حسنه تسيد صبايا الزين سلطاني=موطنه عزٍ تربع عرش سلطانه
دايم واناله رحوم الحال شفقاني=ياعلِ عمري فدى فله وريحانه
ياقوم صوتٍ سمعته داخل اذاني=عز الله اني ذبيح الترف باعيانه
رمش ٍ طغابه يسل السيف شاماني=خدٍ حَّماره لهيب الجمر نيرانه
خصر ٍ نحيل ونعيم الردف روياني=ياويه ردفٍ عليه ابضيق فستانه
ذكره طرالي وانا والنجم سهراني=هاجوس ذكره صباحٍ شع بالوانه
اسوق لجله جميع الحرف والحاني=حبٍ زرعته حشايه هلت امزانه
سلمان العتيبي == شاعر مبتدي
آخر تعديل شاعر مبتدي يوم 23-Jul-2007 في 11:03 PM.